Ále vuordde – riŋges 113
Telefuvdnanummar 113 sáhttá earuhit jápmima ja heakka. Olusat eahpidit goas heive riŋget heahtenummira ja dalle geavahit dan boastut.
– Lea dehálaš čuojahastit nummar 113 go lea sáhka jápmimis ja eallimis. Jus jáhkát soapmásis lea dávda dahje lea vahát maid sáhttá váikkuhit heggii, de lea dat heakkaváralaš, lohká Stephen Sollid.
Son jođiha Oslo Universitehtabuohcciviesu prehospitála klinihka ja son lea bargan doavttirin Áibmoambulánssabálvalusas ja gádjunbálvalusas.
– Lea olu eahpesihkarvuohta goas lea heivvolaš čuojahit heahtenummarii 113. Jus navddát olmmoš lea heakkaváralaš dilis, čuojahastte dalán 113, sier Sollid.
Olusat geavahit heahtenummara 113 boastut
Nationála Traumaregistara loguid mielde leat Norggas birrasii 20 duođalaš lihkohisvuođa beaivválaččat ja dás leat guokte-golbma lihkohisvuođa heakkaváralaččat. Dattetge eahpidit olbmot riŋget. Sollid deattuha ahte galgá dalán riŋget, iige álgit eará bargat nu go iskat vuoigŋá dahje julká go váibmu. Riŋge dakkaviđe 113 go doppe lea ámmátolbmot geat sáhttet dutnje veahkkin veahkehit. Sii dihtet mii lea váralaš ja sii leat barggus du veahkehit.
Riŋge go eallin ja dearvvašvuohta lea áiton
Njukčamánu 22. beaivvi álggahii Norsk Luftambulanse Vuođđudus Akuttaksjonen man ulbmil lea oažžut norgalaččaid dávjjibut riŋget heahtenummara 113. Sollid ávžžuha lástet iežas telefuvdnii Norsk Luftambulanse Vuođđudusa nuvttá appa Hjelp 113 ja Dearvvašvuođadirektoráhtta ávžžuha dan dahkat. Dat álkidahttá riŋgema ja dat čájeha GPS bokte gos don leat vai lea álki
du gávdnat. Muitte bidjat appa johtui go leat lásten dan telefuvdnii.
– Ii álo leat nu álki čilget mii lea dáhpáhuvvan. Muhto 113-operatevra sáhttá álggahit videoságastallama. oaidnin dihtii mii lea boastut vai sáhttet sáddet rivttes veahki, lohká Stehpen Sollid.
Goas galgá ÁLO riŋget 113?
Jus leat garra bákčasat rattis. Go lea hirbmat váttis vuoigŋat. Jus fáhkka oažžu váttisvuođaid hállat, moddját ja loktet. Jus vardá olu, jus fáhkka lea hirbmat garra bákčasat. Muitte ii oktage sáhte okto gadjut heakka. Muhtumin fertet don álgit.