Kulturdirektoráhtta juohkán doarjagiid
Earret eará leat RiddoDuottarmuseat, Árran ja Davvi-romssa musea ožžon doarjaga.
Kulturdirektoráhtta lea juolludan ruđa olu doaimmaide dán jagi, sihke dáiddáriidda, festiválaide, museaide ja buohkaide geat leat ohcan doarjaga Kulturdirektoráhtas. Davimus fylkii Romsii ja Finnmárkui lea maid goaikkehan ruhta. Dás vuollelis oainnát oasi sis geat leat ožžon doarjaga dahje stipeandda. Romssas ja Finnmárkkus ledje 371 dáiddára ohcan stipeandda, 45:s ožžo. Dan dieđiha Kulturdirektoráhtta preassadieđáhusas.
ARENA – doarjjaortnet viesuide ja infrastruktuvrii: Davvi-senter for scenekunst lea ožžon 300 000 kruvnna Davvi Scena ovdaprošektii. Máze giehtadáidu lea ožžon 300 000 kr ovdaprošektii. Lásságámmi vuođđudus lea ožžon 400 000 kruvnna ođasmahttit ja divvut viesu.
Válljejuvvon sisaoastinortnet ođđa dárogiel čáppagirjjálašvuohta mánáide ja nuoraide. Norgga kulturfoanda – Kulturráđđi lea oastán: June Sommer Strask girjji «Malene ja eatnanvuložat – Malene og de underjordiske, lágádus Iđut AS. Sara Kristine Vuolab girji «Trangt», lágádus ČálliidLágádus AS.
Digitaliseren- máŋggabealatvuohta, dialoga ja ovttasbargui: UIT – Norgga árktalaš universitehta oažžu prošektii «Digijoik» 263 000 kruvnna jagi 2022 ja oažžu 431 000 kruvnna jagi 2023:i.
Diversestipeanda galgá leat veahkkin ovttaskas dáiddára dáiddalaš bargui: Elin Kåven oažžu 20 000 kruvnna stipeandan.
Dutkangelbbolašvuohta, ovttasbargu ja infrastruktuvra:verdensarvsenter for bergkunst – Alta Museum oažžu 1 000 000 kruvnna doarjaga prošektii Dutkan Davvin jagi 2021:s, ja 1 000 000 kruvnna jagi 2022:s ja 1 169 800 kruvnna jagi 2023:i.
Sihkarasttit doaimmaid mat sáhtášedje eastadit ja geahpedit vahágiid: Árran – Julevsame Guovdasjii juolluduvvo 78 000 kruvnna. Davvi-romssa musea oažžu 84 000 kruvnna ja Riddoduottarmuseat fas oažžu 133 000 kruvnna.
Kreatiivvalaš ealáhus ja ealáhusovdanahttin: Elle Sofe AS oažžu 400. 00 kruvdnasaš doarjaga prošektii Elle Sofe Sara – Å ruste ES kompani å bli større.
Kreatiivvalaš ealáhus – guovllu suorggi ovdánahttin: Dáiddadállu / Kautokeino kunstnerkollektiv oažžu 699 000 kruvdnasaš doarjaga prošektii Dáiddadállu / Kautokeino artistkollektiv – Dybde profilering og kuratering av samisk kunst til et internasjonalt marked.
Dáiddaveahkkeortnet: Hilde Hauan Johnsen oažžu 310 000 kruvnna doarjjan prošektii #Anne Lindegaard Møller – Hilde Hauan Johnsen. Keviselie Hans R. Mathisen oažžu 310 000 kruvdnasaš doarjaga prošektii #Lin Pei Han# – Keviselie Hans Ragnar Mathisen.
Girjjálašvuođa gáskkusteapmi:áltá joatkkaskuvla oažžu 100 000 kruvnna prošektii Altaungdommens kritikerpris 2023. Sámi girječálliid searvi oažžu 100 000 kruvnna prošektii čálli deaivvada mánáiguin ja nuoraiguin.
Girjjálašvuođaprošeakta: Davvi Girji AS oažžu 375 000 kruvnna prošektii Máhtteádjámánát.
Festiválat: Festivalta oažžu 200 000 kruvdnasaš doarjaga jagi 2023:i ja 200 000 kruvnna jagi 2024:i. Alta Live -2023 la ožžon 250 000 kruvdnasaš doarjaga.
Sami Music Week- 2023 lea ožžon 120 000 kruvnna. Eddemannak -2023 lea ožžon 200 000 kruvdnasaš doarjaga. Festspillene i Nord-norge – 2023 lea ožžon 13 100 000 kruvnna doarjjan. Kalottspel – 2023 lea ožžon 650.000 kruvnna doarjaga. Kokelvlive – 2023 lea ožžon 100 000 kruvdnasaš doarjaga. Márkomeannu – 2023 lea ožžon 875 000 kruvdnasaš doarjaga.
Prošeaktadoarjja kulturgáhttemii: Siivet AS oažžu 150 000 kruvdnasaš doarjaga prošektii «Hvor ble det av samisken?
Doaresfágalaš kulturdoaimmat: Márkomeannu AS oažžu 235 000 kruvnna doarjjan prošektii The Vuogas Way: Sániidkeahttá hállat – 2022.