Sámi filmmat Oscar bálkkašumi museas
Sádde govaid ja cavgilemiid, čále: AVVIR (du diehtu) tel nr. 2470
Dán vahkku leat The Academy Museum, dahje Oscar bálkkašumi musea, kinoin čájehuvvon árktalaš muitalusat.
Sámi filmmat čájehuvvojit Los Angelesas, dovddus lávddiin.
– Midjiide lea stuora gudni leat dáppe ja čájehit sámi ja árktalaš eamiálbmotfilmmaid, dadjá Inter
nationála Sámi filbmainstituhta (ISFI) direktevra Anne Lajla Utsi preassadieđáhusas.
The Academy Museum institušuvdna lea dovddus dainna go čájehit ja dohkkehit buriid olahusaid olles máilmmi filbmaindustriijas.
– Mun lean sihkar dasa ahte dát rahpá uvssaid ja ovddida dehálaš ustitvuođaid miehtá filbmamáilmmi min filbmadahkkiide, dadjá Utsi.
Stuora gudni
Suvi West ja Anssi Kömi, Ken Are Bongo ja Joar Nango, Hans Pieski ja Elle Márjá Eira dokumentárat čájehuvvojedje ON internationála «Moder Jord» dahje «Earth Day» beaivvi, mii lea cuoŋománu 22. beaivvi. Dasa lassin čájehuvvojedje maid Yakutska Svetlana Romanova ja Alaska Anna Hoover filmmat.
Beaivvi ovdal ges čájehuvvui filbma Slash/back man Nyla
Innuksuk lea ráhkadan.
Regissevra Hans Pieski lea rámis go su oanehisfilbma čájehuvvui The Academy Museumas.
– Lea stuora gudni go mu oanehisfilbma čájehuvvui dáppe. Dálkkádatrievdamiin leat ollu váikkuhusat Arktisii gos dálkkádat lieggana hirbmat jođánit, buohtastahttojuvvon eará guovlluin máilmmis. Mu oanehisfilbma lea dan moatti buori, ja daid ollu heajos beliid birra mat čuvvot lieg
ganeami, dadjá Pieski preassadieđáhusas.
Filbmačájeheapmi lea Sámi filbmainstituhta ja Academy Museum of Motion Pictures ovttasbargu. Anne Lajla Utsi lea mielde Akademiijas ja lea The Academy Museum fátmmastan ráđđeaddilávdegottis.