Her vil Sorbonne-gründeren byggja leilegheiter
Eirik Bysheim Hokstad vil ha leilegheiter på parkeringsplassen til villaeigedomen «Clementsgaard».
På den skjerma og idylliske Kronstadhøyden i Bergen ligg den storslåtte kontorvillaen «Clementsgaard». Utsikta strekk seg omtrent over heile byen. Adressa er Ole Landmarks vei 14.
Eirik Bysheim Hokstad er mellom dei som eig bygget, og har no store planar for delar av eigedomen. Hokstad let seg ikkje stogga av politiets mistanke om grov økonomisk utruskap, grovt bedrageri og forfalsking av lånedokument i Sorbonnesystemet, utleigeselskapet han var med å skapa. Sjølv nektar han straffskuld.
«Tilpasses strøkets karakter»
Attmed villaen på 1000 kvadratmeter er det i dag ein svaer parkeringsplass. Det er på denne staden at Hokstad vil byggja 10–14 leilegheiter i eit bygg på fire etasjar.
«Bygget skal tilpasses strøkets karakter, og vil utformes deretter», heiter det i presentasjonen frå Hokstads arealplanleggjar, A/Stab.
Møte med kommunen
For å realisera leilegheitsbygget, må delar av eigedomen omregulerast frå naering- til bustadføremål.
Nokre nabobygg vil få endra utsikt mot aust og nordaust, ifølgje arealplanleggjaren. Eitt hus risikerer redusert morgonsol, medan bygget truleg vil kasta skygge på andre naboar. Eigedomen og naerområdet ligg også i ei omsynssone for kulturminne, og trafikken på ein allereie smal veg til eigedomen vil auka.
Hokstad ønskjer at prosjektet skal inn i den nye kommuneplanens arealdel (KPA). Dette er mogeleg grunna Bergen kommune sitt ønskje om fortetting, og eigedomen ligg i ei slik sone.
Prosessen fram til politisk vedtak er lang, men Hokstad er allereie i dialog med Bergen kommune. For nokre veker sidan vart det halde oppstartsmøte hjå Plan- og bygningsetaten. Dette er det tidlegaste leddet i planprosessen for handsaming av private forslag.
«Ønsker ikke å kommentere investeringer eller planlagte investeringer i media», svarer Hokstad i ein e-post på BTs spørsmål.
Ville byggje i eigen hage
I utgangspunktet ville Hokstad også reisa hus i sin eigen hage på Kalfaret i Bergen sentrum. Han såg føre seg ein fire-seks-mannsbustad med større leilegheiter i tre etasjar, også her med hjelp frå arealplanleggjar A/Stab.
Planane for Seiersbjerget
Bergensar. Mest kjent for å ha starta eigedomsselskapet Sorbonne saman med Asgeir Steinsland Hansen (37) frå Askvoll.
Strategien var oppkjøp og renovering av bygardar i Bergen sentrum, saerskilt mot luksusleigemarknaden for studentar. Samarbeidet enda i eit bittert bort.
I april 2016 vart eigedomsporteføljen overtatt av investorane Birger Grevstad og Eivind Kåre Lunde for 300 millionar kroner. Alt gjekk til å innfri bankgjeld. I mai 2016 slo Sorbonne AS seg sjølv konkurs.
gjekk til kommunen i same vending som Clementsgaard, men så trakk plutseleg Hokstad søknaden for sin eigen bustad,
medan prosessen for kontorvillaen heldt fram. Den 35-årige bergensaren er ein av byens profilerte eigedomsinvestorar, mest kjent for det havarerte utleigeselskapet Sorbonne.
Under politietterforsking
Før sommaren vart han, ekskompanjongen Asgeir Steinsland Hansen og ein takstmann arrestert og sikta for grovt bedrageri og grov økonomisk utruskap av politiet. Politiet skal blant anna mistenkje at verdien av eigedommar er vorte blåst opp, slik at bankane har gitt større lån enn det har vore grunnlag for.
Heimar og kontor vart ransaka i ein stor politiaksjon. Politiet trur også at Hokstad forfalska underskrifter for å få banklån.
Hansen og Hokstad stiller seg uforståande til siktingane. Nordic-gründerar selde Sjølv om Sorbonne er historie, har duoen lenge hatt store eigedomsporteføljar kvar for seg.
Clementsgaard-investeringa er fersk for Hokstad. Han overtok kontorvillaen saman med fleire andre investorar for eit ukjent beløp. Seljarar var Nordic Securities-gründerane Endre Tangenes og Erik Egenaes.
Meklarhuset mista konsesjonen etter at Finanstilsynet fann ut at ni av ti av dei største kundane tapte pengar på investeringane sine, samstundes som gründerane drog inn solide summar på aksjesal til eigne kundar.
Tangenes og Egenaes kjøpte kontorvillaen for 25 millionar kroner i mai 2016. Alt i januar opplyste Egenaes om salet.