Ei openhjartig Oddny Miljeteig snakka både om politikk og dødsangst framfor publikum i Bergen. Den profilerte SV-politikaren la ikkje skjul på at ho gjerne vil tilbake til bergenspolitikken.
– 2015 var eit skitår.
Med raude strømper, knallrosa jakke og leppestift for første gong på to år, møtte Oddny Miljeteig publikum på Bergen Offentlige Bibliotek torsdag kveld.
Oppriktig og rett frå levra, slik bergensarane kjenner henne, snakka SV-politikaren om oppvekst, politikk og kreftsjukdom som gjest i møteserien «Den gode samtalen».
– Eigentleg var 2015 eit lovande år. Det er ikkje kvart år ei 60 år gammal, rabiat kjerring blir valt til nestleiar i eit parti, men eg vart valt som nestleiar i SV. Eg syntest det var fantastisk aerefullt at folk ville ha meg, spesielt sidan eg ikkje fekk vervet for mine diplomatiske evner, sa Miljeteig.
– Ein hestekur
Sommaren 2015 var den nye nestleiaren så vidt i gang med arbeidet då ho oppdaga ein kul i høgre bryst.
– I staden for å gjera gagn for meg, sat eg på Haukeland og fekk cellegift. Eg var kjepphøg fyrste dagen. Eg sa til svulsten i brystet og lymfeknutane at «no er dykkar stordomstid over». Andre dagen tenkte eg at «dette går så det susar, eg kjem sikkert ikkje til å merka noko til cellegifta». Tredje dagen vart eg liggjande, og der har eg lege. Det var ein hestekur. Men cellegifta tok kreften, sa Miljeteig.
– Eg er blitt operert og strålt og har hatt komplikasjonar og gjort innhogg i skattepengane til alle de som sit her. Eg håpar de synest det er verdt det, sa ho til applaus frå salen.
Var redd for å døy
Miljeteig la ikkje skjul på at ho