Gjekk laus på «plastøya» med gravemaskin
– Når Erna Solberg meiner plastrydding må gjerast på dugnad, viser det at ho ikkje kjenner det enorme omfanget, sier Hans Lauvvik.
– Plasten ligg langt under grastorva, naer sagt over alt. Når Erna Solberg meiner plastrydding må gjerast på dugnad, viser det at ho ikkje kjenner det enorme omfanget. Det må faktisk små gravemaskinar til over alt. Det vil kosta.
Det seier Hans Lauvvik. Han, dottera Lise og Lises sambuar Egil Landro var på Dyrøyna i Fjell på Kristi himmelfartsdag og samla plast. På denne øya er det så ille at vanleg handemakt ikkje strekk til.
Dei hadde søkt Fjell kommune om å få sette i land ei gravemaskin i den verste vika, og kommunen gjorde unna sakshandsaminga på rekordfart og sa ja. Også grunneigaren, som bur i Haugesund, sa ja.
Plastsamlarane fekk låne gravemaskin og førar gratis av gode kontaktar og vener, og fekk hjelp til å frakte den ut på øya.
To meter ned
– Det var ikkje heilt enkelt å få i land den 3,5 tonn tunge gravemaskina. Vi måtte mellom anna få den over nokre digre steinar. Men når det gjekk an her, bør det gå an dei fleste andre stader, seier Lise Lauvvik.
Ho og sambuaren var på same staden i påska for eitt år sidan og plukka 350 sekkar med boss. Då såg dei at dei aldri ville klare å få rydda skikkeleg her utan hjelp av maskiner.
– «Tenk om vi hadde hatt gravemaskin», sa vi då. Og no fekk vi det til og har vist at det er mogeleg, seier ho.
Dei grov seg to meter ned i jorda. Men det er sikkert plast endå ein meter ned, meiner ho.
100 meter frå sjøen
Resultatet vart seks-sju svaere sekkar fulle av plast og skrot på eit par timar.
– Det var det vi rakk. Vi må tilbake, for det er svaert mykje meir.
Nokre dagar tidlegare var Lise Lauvvik og sambuaren på øya Gullo. Også her fann dei plast langt ned i jordsmonnet.
– Her låg plasten 100 meter frå sjøen og åtte-ti meter over havnivået, seier Lauvvik.
Ho og sambuaren har ofte rydda i vikene kring heimplassen det siste året.
– Foreløpig har det vore så mykje å ta fatt i, at vi berre har kome oss 15 minutt frå huset vår. Vi har sikkert vore i 40 viker, seier ho.