Fylkeshuset skal jamnast med jorda
BERGEN KL. 11.53: Fylkesutvalet i Hordaland går inn for å rive det noverande fylkeshuset og bygge to heilt nye tårn på tomta. På utvalets møte torsdag tilrådde politikarane planane for bygginga. Byggekostnaden er no på 941 millionar kroner, som er 50 millionar meir enn tidlegare. Årsaka er at heile det noverande fylkeshuset skal jamnast med jorda. Å bygge heilt nytt fylkeshus frå bakken av gjev meir tilgjengeleg areal og auka leigeinntekter. Det nye fylkeshuset blir på 27.000 kvadratmeter og får plass til heile administrasjonen på 600 personar. Ledig areal skal leigast ut. Utflytting av noverande fylkeshus skjer i januar 2020. I februar 2020 startar riving av det gamle og bygging av det nye. Byggetida er tre år, og då må dei tilsette vere i mellombels lokaler på Sandsli.