Det omstridde akuttmottaket stengde etter få veker. Men flyktningane var blitt så glade i kvinna som tok seg av dei, at dei kom tilbake til Askøy.
Utanfor, i novembermørket, stod bilane naermast parkert oppå kvarandre. Inne på folkemøtet var det fullt hus og amper stemning.
Aldri før hadde fleire asylsøkjarar kryssa noregsgrensa enn hausten 2015. På det meste kom det 8000 i månaden. Straumen av flyktningar skapte problem for mottakssystemet.
På Hanøy samfunnshus var folk urolege. Dei hadde nettopp fått vite at kommunen skulle ta imot 95 flyktningar. Lauvøy feriesenter i havgapet skulle bli akuttmottak.
Fleirtalet av flyktningane var einslege menn.
Mange tok ordet på møtet. Frykt for kriminalitet, overgrep og terrorisme bobla til overflata. Eitt menneske tok flyktningane i forsvar på informasjonsmøtet.