– Perfeksjonsjag er farlegare enn festing

– Eg kunne ikkje skrive «Lovleg» frå nokon annan plass enn Sandane. Dess meir spesifikk ein er, dess større sjanse er det for å lage noko som resonnerer breidt, seier Kjersti Wøien Håland.

Med ungdomsserien «Lovleg» har NRK P3 slått an nokre av dei same strengane som gjorde «Skam» til ein gedigen suksess: Hovudpersonane er gymnaselevar, alle scener blir publiserte «samtidig» som dei utspelar seg – og mellom TV-episodane kan ein følgje karakterane på diverse digitale medium.

Dikt, romanar og «Lovleg»

Medan «Skam» handla om urbane osloungdomar, er handlinga i «Lovleg» lagt til hybelmiljøet rundt Firda vidaregåande skule i nordfjordbygda Sandane.

SERIESKAPAR: Kjersti Wøien Håland frå Høyanger brukar erfaringa frå hybeltida på Sandane som manusforfattar for «Lovleg».