Kommunal kulturkanal tek opp konkurransen med BA og BT
Redaksjonell omtale er eitt av forslaga som kan hamna i den nye satsinga til Bergen kommune. Redaktørar i BA og BT er skeptiske.
eDet er ikkje berre enkelt å engasjera publikum i denne byen, skal me tru kulturaktørane sjølve.
Då Bergen kommune inviterte amatørar og profesjonelle kulturfolk til workshop om det å nå ut, var det tydeleg at dei har behov for og hug til draghjelp.
– Mange synest det er vanskeleg å kommunisera kva slags tilbod dei har, og kor folk skal koma for å oppleva dei, seier kulturbyråd Julie Andersland (V).
Vil satsa breitt
Difor vil Bergen kommune hjelpa til. Dei jobbar no med å få på plass ein digital plattform for deling av kulturelle tilbod og aktivitetar.
Omsynet er at dei ulike aktørane enklare skal nå ut til fleire folk, og at du og eg på ein lettare måte skal finna ut kva som skjer, og kor.
– Den enklaste versjonen er ein kalender, men me ser føre oss noko breiare, seier Andersland.
Redaksjonelt stoff?
Andersland ramsar opp alt frå eit arkiv med tilgang på kulturopplevingar til strøyming av konsertar og liknande. Eller å finna nokon å gå på konsert med.
I tillegg utforskar dei noko heilt nytt: Om plattforma òg skal inkludera redaksjonelt innhald.
Omtale av kunstnarar og kulturkritikk, om mogeleg frå publikum sjølve, kan verta aktuelt.
– Viss me landar på noko slikt, må det vera grunngjeve i omsynet om å vera ein god arena for publikum, seier Andersland.
Kritiske redaktørar
Til no er det i stor grad berre dei lokale media i byen som har ytt ei tilsvarande oversikt. Kulturkritikk er dessutan noko ein typisk finn hjå etablerte aktørar.
Sigvald Sveinbjørnsson, ansvarleg redaktør i Bergensavisen (BA), tykkjer Bergen kommune må vera varsame med å lansera ein slik kulturplattform.
Sveinbjørnsson har prinsipielle problem med å stilla seg bak det han kallar ein mediekanal, som kommunen både eig og driv.
– Avsendaren vil uansett vera kommunen, og vil ikkje vera redaktørstyrt. Då er det ikkje journalistikk, men reklame som gjev seg ut som noko anna, seier han.
Ikkje rett fram
Korkje BA eller Bergens Tidende (BT) har hatt saerleg til suksess med kvar sine kulturkalendrar på nett. Mykje av grunnen er at