Friidrettens nye kvalifiseringssystem

Gjeld for VM i Doha 2019. Kvalifiseringsperioden er frå 7. september 2018 til 6. september 2019.

Kvart land kan delta med tre utøvarar pr. øving.

Utøvarar kan kvalifisera seg på tre måtar:

1. Ved å vera mellom dei høgast ranka utøvarane når kvalifiseringsperioden er over.

2. Ved å oppnå eit eksepsjonelt godt enkeltresultat i eit godkjent stemne, sjølv om ein ikkje ligg høgt nok på rankinga.

3. Få tildelt eit såkalla «wild card».

Verdsrankinga vert sett saman på grunnlag av dei fem beste resultata i løpet av kvalifiseringsperioden. Statusen til stemnet, konkurransen og tida/høgda/ lengda påverkar kor mange rankingpoeng ein får.