60
Dagunn Klakegg, Elvevegen
5, 6800 Førde, fyller 90 år i dag.
Dagunn Klakegg byrja i Telenor i 1950, først som teleekspeditør og seinare, etter enda vidareutdanning, som administrasjons- og økonomisjef i Stord teleområde, og deretter som fagsjef i Internrevisjonen. Ho tok økonomisk/administrativ utdanning ved BI i 1980–84 og eksamen som revisjonsleiar litt seinare.
Som pensjonist utdanna ho seg til alternativ terapeut og jobba som det fram til ho var cirka 80 år. Då fekk ho lyst til å gjere noko heilt anna og følgde Folkeuniversitetet sitt
2-årige undervisningsopplegg i kunsthistorie.
Klakegg har alltid vore aktiv i organisasjonsarbeid, og som pensjonist tok ho initiativet til å starte eit Senioruniversitet i Førde.
Litt seinare fekk ho i gang Seniorgruppa, ei støttegruppe for dei eldste eldre. Ho har og hatt styreverv i organisasjonar som Telepensjonistane og ho tok initiativet til ei kunstgruppe for å auke forståinga for samtidskunst.
Dei siste seks åra er det likevel leiarjobben i eldrerådet i kommunen som har kravd mest tid og engasjement. Ho er spesielt interessert i eldrepolitikk og meiner politikarane hittil ikkje har teke tak i dei utfordringane vi vil få grunna endra alderssamansetjing i samfunnet.
I fritida har ho vore ein flittig turgjengar, og ho er oppteken av litteratur. Dagunn var gift med Norvald og har to barn, fem barnebarn og eitt oldebarn. Jubilanten er bortreist på dagen.
NTB