Festspillene får kritikk for dårleg betaling
Ein produsent sette foten ned då Festspillene i Bergen ville ha dei til å spela gratis. Sjølv tilbakeviser direktør Anders Beyer kritikken.
Under leiing av Anders Beyer har Festspillene i Bergen (FIB) vakse. Programmet er fyldigare, og fleire lokale aktørar enn tidlegare vert inkludert.
Men slikt er ikkje berre positivt for frilansarar og sjølvstendige kunstnarar.
– Når alternativet er ikkje å få spelt og vist seg fram, tek frie kunstnarar enklare til takke med dårleg betaling, seier Millan Persdotter Persson.
Ho leiar Proscen, interesseorganisasjonen for scenekunstfeltet på Vestlandet. Stadig får ho høyra frå kunstnarar som beklagar seg over låge honorar.
– Det er ikkje ei ukjent problemstilling for oss. Diskusjonen går framleis, men Festpillene er vorte nemnt fleire gonger, seier Persson.
Uroa for samarbeid
Det frie feltet i Bergen er eit lite miljø. Det har difor vore vanskeleg for BT å få aktørar til å stå fram og fortelja sine historier.
To kunstnarar seier dei er uroa for å øydeleggja framtidige samarbeid med Festspillene om dei uttalar seg med fullt namn.
Begge skildrar festspela som gjerrige når det gjeld å bla opp for kunstnarlege samarbeid.
– Festspillene er kjende både nasjonalt og internasjonalt for ikkje å vera dei beste betalarane. Med Beyer har dette auka på, fordi han er oppteken av å ha eit endå større tilbod, seier den eine.
Den andre fortel at dei fekk tilbod frå Festspillene om eit par titals tusen i produksjonsstøtte, til noko som ville ha kosta opptil 700.000 kroner å setja opp.
– Ambisjonen til Beyer er grei, men like viktig som å ta vare på lokale saerpreg, er det å anerkjenna kvalitet, seier han.
Tilbakeviser praksisen
Direktør Beyer i Festspillene i Bergen er vorte konfrontert med kritikken.