Helga (22) måtte reise lang
I 1972 oppdaga ei 22 år gammal kvinne frå Stord at ho var gravid. Ho var kunststudent i Bergen med ei usikker framtid.
Helga Eriksen visste frå første stund at ho ikkje ville bere fram barnet, men det var ikkje opp til henne.
Første steg var å finne ein lege som ville sende inn abortsøknad for henne til ei nemnd.
«Nei, det skal du ikkje tenkje på», sa den første legen, «du er ung og sunn og sprek og kan sikkert ta imot eit barn.»
Den andre og tredje legen sa det same. Abortnemnda kom aldri til å innvilge ein søknad frå ei som henne.
– Det var kanossagang frå lege til lege i Bergen. Tida gjekk. Eg var redd, seier Helga Eriksen, 46 år seinare.
Jungeltelegrafen gjekk mellom kvinner i same desperate situasjon som Eriksen. Det fanst alternativ. 40 år etter abortlova vart innført, har abort framleis politisk sprengkraft.
– Abortlova som åte
Statsminister Erna Solberg sa nyleg at ho er villig til å forhandle om endringar i lova, dersom KrF