JUBILANT 75 ÅR

I dag fyller tidlegare stortingsrepresentant Ingmar Ljones 75 år.

Som både varaordførar og ordførar i «Vestlandet sin hovudstad» gjennom mange år var han «Mr. Bergen» i medvitet til mange. Den velkledde mannen med det velstelte skjegget og den behagelege røysta representerte byen sin på ein glitrande måte, både på heimebane, nasjonalt og internasjonalt. Og det trass i at han opphavleg er harding – født og oppvaksen som han er i Strandebarm. Ingmar er et godt prov på at vi i KrF lar by og land gå hand i hand.

Ingmar starta yrkeslivet sitt som industriarbeidar, før han tok teknisk og etter kvart pedagogisk utdanning. Han arbeidde i mange år som faglaerar, rådgjevar og inspektør ved dåverande Arna yrkesskule. Seinare var han konsulent hos fylkesskulesjefen i Hordaland.

Han har alltid hatt eit sterkt, sosialpolitisk engasjement, og har blant anna arbeidd med undervisningsopplegg for fangar og for elevar med spesielle behov. Som kommunalpolitikar har han hatt verv i hovudutval for sosiale saker, barnevernsnemnda og edruskapsnemnda.

Det var i 1979 han blei valt inn i Bergen bystyre for KrF. I 1987 blei han medlem av formannskapet og i 1991 varaordførar i Bergen. I 1995 blei han ordførar. Det var han òg då han i 2001 blei valt inn på Stortinget frå Hordaland, som den tredje av KrF sine representantar frå dette fylket i denne perioden. Her var han medlem av Energi- og miljøkomitéen. Det er få som har møtt Ingmar, som ikkje har latt seg imponere av engasjementet og arbeidskapasiteten hans.

Det blei med ein periode på Stortinget for Ingmar Ljones, men KrF-engasjementet er