DOKTORGRAD
Sjangermønster i eksamensoppgåver og laeremiddel for engelskfaget
Sigrid Johanna Håheim Ørevik disputerer 9.1 for PhD-graden ved UiB med avhandlinga «Mapping the text culture of the subject of English: Genres and text types in national exams and published learning materials».
Grunngjevinga for Ørevik sitt doktorgradsprosjekt er at ulike trekk ved tekstkulturen i engelskfaget kan ha ulike potensial for mediering av laering. Kunnskap om denne tekstkulturen vil difor ha verdi som bakgrunn for kritisk utval og vurdering av tekstar og oppgåver i arbeid med språklaering.
Ørevik si forsking har brukt tekstar og skriveoppgåver i eksamenssett, laerebøker og digitale nettsider som empirisk materiale for å skildra sentrale delar av tekstkulturen i engelskfaget.
Forskinga hennar inneheld både kvantitative og kvalitative element og byggjer på teori innanfor felta sjanger, retorikk, skrivedidaktikk, systemisk-funksjonell lingvistikk og multimodalitet. Ein kvantitativ studie har undersøkt mønster av sjangrar og teksttypar i trykte og digitale laeremiddel publiserte for engelskfaget, der sjanger er definert ut frå kontekst og bruk og teksttype er definert ut frå retoriske kriterium.
Resultat viser mellom anna at trykte laeremiddel er dominerte av lesesjangrar kjenneteikna av deskriptiv og narrativ teksttype, medan sjangrar representerte i skriveoppgåver til eksamen oftast er prega av analytiske teksttypar.
Kvalitative analysar av tekst- og oppgåveeksempel frå hyppig forekommande sjangrar viser at ulike lese- og skrivesjangrar plasserer eleven i lesar- og skrivarroller som opnar for ulik grad av respons og sjølvstendig engasjement.
Ørevik argumenterer for at publiserte laereverk for engelskfaget bør presentera eit meir allsidig utval av tekstar til resepsjon for å bidra meir effektivt til å fremja eleven si utvikling av tekstkompetanse og skriveferdigheiter.
Sigrid Johanna Håheim Ørevik har master i engelsk sosiolingvistikk frå UiB. Ho er førsteamanuensis i engelsk fagdidaktikk ved UiB. Disputasen finn stad 9.1 kl. 09.30 på Sydneshaugen skole.