Alle dei 21 smitta i Hyllestad kommune er knytt til verftet
Utanlandske arbeidarar tok med seg smitten til bygda. No er kvar åttande innbyggar i karantene.
linda.hilland@bt.no foto
– Remember one meter, påpeiker dagleg leiar Erlend Hatleberg medan han går langs testkøen av polske gjestearbeidarar ved Havyard i Leirvik.
Inne i den mørke lagerhallen står Solgunn Senneseth frå bedriftshelsetenesta Stamina klar med vattpinnen.
– Do you know the drill, spør ho polske Dominik Disarski.
19 arbeider på Havyard
Han nikkar og gjer seg klar. Disarski kom frå Polen til Hyllestad for tre veker sidan. Han testa negativt ved innreise på Flesland, men må no teste seg på nytt på grunn av smitteutbrotet ved verftet.
Sidan tysdag denne veka har Hyllestad kommune registrert 21 smittetilfelle.
Elleve av tilfella dukka opp fredag. Av personane som har fått påvist korona, er 19 arbeidarar ved verftet i Leirvik, medan dei to andre er i nær relasjon til ein tilsett.
– Koronautbrotet kjem frå verftet. I tillegg til arbeidarar, er ein familie i Hyllestad råka. Det vil seie at smitten i lokalbefolkninga er avgrensa. Den har vi kontroll på, seier ordførar Kjell Eide.
Den vesle bygda med om lag 1300 innbyggarar valde likevel å stengje både skule, barnehage og idrettshall inntil vidare. Det er også innført strenge besøksrestriksjonar på sjukeheimen og kommunehuset.
Om lag 160 innbyggarar er i karantene.
Kommuneoverlege Anette Ester fortel at dei sette krisestab umiddelbart etter meldinga om det fyrste smittetilfellet.
– I løpet av denne veka har vi testa om lag 20 prosent av innbyggarane. I tillegg har Havyard testa over 100 av sine arbeidarar, seier Ester.
Unnateke frå karantene Verftsleiar Hatleberg fortel at dei fleste av smittetilfella er gjestearbeidarar frå Polen. På grunn av smittesituasjonen valde Havyard å stengje ned drifta onsdag denne veka.
I tillegg til 160 faste tilsette,
I løpet av denne veka har vi testa om lag 20 prosent av innbyggarane. I tillegg har Havyard testa over 100 av sine arbeidarar.
Anette Ester, kommuneoverlege
har verftet mellom 300 og 400 gjestearbeidarar som jobbar skift.
– Eg har jobba skift ved verftet sidan 2008, seier Dominik Disarski.
Det vil seie at han jobbar fire veker i Leirvik, før han reiser heim til Polen i fjorten dagar.
Ifølgje smittevernforskrifta er utanlandske arbeidarar som kjem til Noreg for å utføre arbeid, unnateke frå innreisekarantene.
– Men alle gjestearbeidarane må teste seg ved innreise. Koronatesten må vere negativ før dei kan byrje å jobbe ved verftet, fortel Hatleberg.
Han vedgår at smittesituasjonen gjer det krevjande å henta gjestearbeidarar frå utlandet, men seier verftet er heilt avhengig av arbeidskrafta.
– Nedstenginga går utover drifta og viktige prosjekt. Håpet er å få starte opp igjen i løpet av neste veke, seier den daglege leiaren.
Disarski er frustrert då han ikkje får jobbe.
– Eg har ingen symptom på korona, men må vere i karantene til eg får svar på testen, fortel han.
Stoppa innreise
Over 100 arbeidarar har vore i karantene dei siste to dagane. Dei bur i brakker like ved verftet