Trump spelte vekk sitt eige trumfkort
DONALD TRUMP HAR stort sett hatt to overtak på Joe Biden på målingane: Veljarane meiner at Trump har ei betre forståing av vanlege folks liv, og dei trur meir på Trump enn Biden når det kjem til å handtere økonomien.
I mai meinte 54 prosent av veljarane at Trump var best for økonomien, mot 42 for Biden.
No er det forspranget vekke.
DET KJEM SAMTIDIG som Biden har fleire nasjonale målingar med ei tosifra leiing.
Då er det overraskande at Trump gjer det endå verre for seg sjølv.
Tysdag annonserte Trump at han bad sine folk i Kongressen om å avslutte forhandlingane om ei koronakrisepakke.
Det er eit eksepsjonelt dårleg politisk handverk.
TRUMP HAR NOK RETT i at demokratane har fylt på med i overkant mange tiltak.
Demokratane vil at krisepakka skal vere på 2,4 trillionar dollar. Republikanaranes tilbod er på 1,3 trillionar.
Trumps nei er ein tabbe på fleire måtar:
AMERIKANSKE VELJARAR meiner – med overveldande fleirtal – at det er behov for nye krisepakker.
Sentralbanksjefen meiner at det er vanskeleg å overdrive pengebruken i denne krisa.
Trump ville truleg tent på ei ny krisepakke, sjølv om demokratane fekk stort gjennomslag.
Det kan tyde på at Trump faktisk ikkje er så flink til å drive med politikk – i det minste i motgang.
Trump snur ryggen til hver eneste arbeider hvis jobb ikke er kommet tilbake. Han snur ryggen til familier som strever med å betale leien, få mat på bordet, ta vare på barna.
Joe Biden om at Donald Trump stanset forhandlingene om ny krisepakke