No er det full krise for Trump på målingane

Donald Trump er friskmeld frå koronaviruset.

Kommentator Morten Myksvoll følgjer presidentvalet i USA. Les fleire av hans kommentarar på bt.no/meninger

MEN PÅ MÅLINGANE går det berre dårlegare og dårlegare. Der ser det ikkje ut til at miksturen av ulike preparat og steroid hjelper noko som helst. Tvert imot har koronasmitten svekt Trump.

FLEIRE MÅLINGAR HAR vist eit stort fall etter at presidentens sjukdom vart kjent.

Fleire av vippestatane ser nesten ut som sikre statar for demokratane no.

Om Joe Biden berre vinn dei delstatane han no leier med meir enn fem prosentpoeng i, vil Biden få 278 valmenn. Det er nok å vinne 270.

I KONGRESSEN SER demokratane ut til å sikre seg to nye år med kontroll i Representantenes Hus.

I Senatet kan det bli svært jamt.

Akkuat no ligg demokratane an til å tape éin senator – i Alabama – men ligg an til å vinne fem seter frå republikanarane. I tillegg er demokratane innan rekkevidde på fire seter til. For å overta fleirtalet, må demokratane vinne fire seter.

DET ER NOK med tre, dersom Biden blir president. Visepresidenten kan nemleg stemme når det er uavgjort.

Politikarane i Senatet stemmer derimot ikkje alltid med partiet sitt. Difor er det viktig med ei margin, så for kvar senator demokratane vinn blir det lettare å styre.