Bergen blir beredskapshamn for «koronaskip»
NYHETER // SIDE 15
Koronasmitte til sjøs har fleire gongar vist seg skjebnesvangert. No er Bergen rangert som førstevalet til å ta imot skip med smitte.
ingvild.nave@bt.no «Det kom et skip til Bjørgvin i 1349» er ein setning mange har høyrt før. Den viser til dagen den fatale svartedauden kom til byen.
No kan Bergen nok ein gong risikere å måtte ta i mot skip fulle av smitte, men denne gongen skal byen vere betre førebudd.
Fylkesmannen
i Vestland har kartlagt kva hamner som er best eigna til å ta i mot skip med koronasmitte.
Av alle hamner i Vestland og Rogaland er Bergen rangert som førstevalet til å handtere store skip der det er påvist eller mistanke om covid-19.
– Med nærleiken til Haukeland sjukehus, og med dei ressursane som finst i Bergen, så vil nok Bergen fort bli eit aktuelt val i eit slikt tilfelle, seier fylkesberedskapssjef Haavard Stensvand.
Hurtigruten-smitte Koronasmitte om bord på skip har fleire gongar hatt store konsekvensar.
I Noreg har ein framleis utbrotet på Hurtigruten denne sommaren friskt i minne. Fleire
Fylkesberedskapssjef Haavard Stensvand.
titals personar blei smitta, og hundrevis sett i karantene.
I ettertid fekk også leiinga i selskapet skarp kritikk for å ha forsøkt å skjule at smitte var oppdaga om bord på MS «Roald Amundsen».
– Etter utbrota på hurtigruteskipa fekk vi i oppdrag å kartlegge i kva hamner det er mogeleg å legge skip som har koronautbrot av eit visst omfang. Dei viktigaste kriteria er mellom anna kapasitet i helsetenesta og nærleik til sjukehus, seier Stensvand.
Eit anna eksempel er det fatale utbrotet på cruiseskipet «Carnival Princess», der 13 menneske mista livet.
Bergen er førsteval Fylkesmannen har utført kartlegginga på oppdrag frå Helsedirektoratet, og vurdert alle hamnene langs kysten i dei to vestlandsfylka.
Her er hamnene som er vurdert som best rusta i prioritert rekkefølgje:
1: Bergen hamn
2: Stavanger hamn
3: Florø hamn / Karmsund hamn
Andre hamner som kvalifiserer til å ta i mot store skip ligg for langt vekke frå sjukehus med
Bergen er frå før klassifisert som beredskapshamn i Noreg, saman med Oslo og Tromsø. Dette gjer at ein er godt førebudd til å handtere eventuelle «koronaskip», meiner beredskapssjef i Bergen kommune, Ivar Lunde.
– Det er utpeikt ulike område der skipa skal takast imot, mellom anna avhengig av storleik. Når skipa kjem til land, vil det vere kommunen som har ansvar for å vurdere kva helsehjelp dei covid-19-sjuke treng. Då vil det bli ytt helsehjelp om bord, og dei som har behov for sjukehusinnlegging eller anna helseoppfølging som ikkje kan ytast om bord vil bli tatt i land, seier han.
Testing av medpassasjerar vil kunne føregå om bord på skipet.
– Kommunen har heldigvis god testkapasitet no. Om passasjerar eller tilsette har behov for isolering utanfor skipet, vil ein mellom anna kunne ta i bruk kommunen sitt koronahotell, seier Lunde.
Dei viktigaste kriteria er mellom anna kapasitet i helsetenesta og nærleik til sjukehus.
– Betydeleg utfordring
– Om det i dag hadde kome inn eit skip med 200 koronasmitta til Bergen, hadde ein hatt kapasitet til å handtere det?
– Det ville jo vore ein betydeleg utfordring, og eit stort lyft for bysamfunnet. Då må ein gjere det i nært samarbeid med skipa, for ein kunne ikkje ha tatt alle i land umiddelbart, seier beredskapssjefen.