Demokratane har truleg tapt sitt siste slag mot Trump
Denne veka arrangerte Senatets justiskomité ei høyring for å stadfeste Amy Coney Barretts nominasjon til høgsterett.
morten.myksvoll@bt.no.
Kommentator Morten Myksvoll følgjer presidentvalet i USA. Les fleire av hans kommentarar på
DET MEST oppsiktsvekkande var at senator Mike Lee var til stades. Han er blant dei som er stadfesta smitta av koronaviruset, og har sjølv sagt at han har opplevd symptom på sjukdomen. Lee avslutta sin karantene etter ti dagar.
DEMOKRATANES visepresidentkandidat Kamala Harris dukka ikkje opp i høyringssalen, men deltok via video.
Harris kritiserte republikanarane for å arrangere høyringa samtidig som smitten har spreidd seg til fleire medlemmer av Senatet.
Komiteens leiar, Lindsey Graham, har nekta å teste seg for koronaviruset – både før denne høyringa og før debatten mot hans motkandidat i South Carolina.
ALT TYDER PÅ at republikanarane både får tid og stemmer nok til å stadfeste Barrett før valet 3. november.
Kampen ser altså ut til å vere tapt for demokratane, men dei kan truleg tene på nominasjonen i dette valet – som demokratane ligg an til å vinne.
ALLEREIE 10. NOVEMBER kan Barrett sitje i høgsterett og høyre argument for og mot Obamacare.
Trump-regjeringa meiner at Obamacare må gjerast ugyldig fordi den skatten folk må betale dersom dei ikkje kjøper helseforsikring, er blitt nulla ut.
Det argumentet vert omtala som «latterleg svakt» i det konservative tidsskriftet National Review.
Skatten vart nulla ut i 2017 av republikanarane i Kongressen, som ein respons på at den då òg konservative høgsteretten hadde heldt oppe Obamacare.
BARRETT ER IMOT Obamacare, men det er lite truleg at høgsterett snur, berre fordi skatten no er null.