FHI rår oss ikkje til å nytte munnbind heile tida
Svar på innlegg i BT 20. januar, med tittel «Hvorfor er det så få munnbind å se på Haukeland»:
VI ØNSKJER AT PASIENTAR, pårørande og besøkjande skal føle seg trygge i kontakten med sjukehuset.
Samstundes har vi forståing for at nokon blir usikre når bruken av munnbind varierer etter kor ein oppheld seg i samfunnet, også mellom helseinstitusjonar.
Det er Folkehelseinstituttet (FHI) som lagar nasjonale anbefalingar for korleis tilsette i helsetenesta skal bruke personleg beskyttelsesutstyr når dei er på jobb. Utstyr skal brukast på riktig måte og til rett tid. I Helse Bergen følgjer vi desse nasjonale faglege anbefalingane.
DET FINST EIGNE REGLAR for bruk av munnbind i sjukehus, og eigne reglar for bruk av munnbind i sjukeheim og i heimetenesta. Sengepostar og behandlingsrom i sjukehuset er heller ikkje offentlege rom. Sjukehuset har åtgangskontroll og sjekkliste med spørsmål til pasientar og tilsette, og det er ikkje fri ferdsel inn og ut av sjukehuset.
Det er såleis skilnad på ein matvarebutikk og eit undersøkingsrom i sjukehuset. Alle tiltak blir jamleg evaluert og justert i tråd med smittepresset i samfunnet.
AVSTAND ER FRAMLEIS det viktigaste tiltaket for å hindre smitte mellom personar. Munnbind erstattar ikkje andre smitteverntiltak. FHI er tydeleg på at universell bruk av munnbind for tilsette i sjukehus ikkje er tilrådd. Sjukehuset skal sørgje for