Naivt i møte med russiske interesser
Russiske oligarkar kjøper opp fabrikken som leverer motorar og vedlikehald til norske kystvaktskip. Det gjev grunn til å sperre opp auga.
DENNE VEKA KUNNE Bergens Tidende fortelje at Forsvaret må vurdere kontraktar på nytt som følgje av at russiskkontrollerte TMH International tek over Bergen Engines i 2021.
Fabrikken på Hordvikneset leverer i dag både delar og service til norske kystvaktskip. Desse skipa er heilt sentrale i å hevde vår suverenitet i nordområda – ikkje minst opp mot russisk-kontrollerte havområde.
NOREG HAR LOVVERK som gjer at selskap kan miste leverandørerklaeringa ved eit slikt sal, men regjeringa meiner salet av motorfabrikken ikkje fell inn under dette.
«Vi anser dette som en avtale om salg mellom to kommersielle aktører, noe departementet ikke skal eller bør blande seg inn i», seier statssekretaer Lars Andreas Lunde (H) i Naeringsog fiskeridepartementet til BT.
DET VERKAR NAIVT. For tida opplever Noreg eit meir aggressivt Russland. Seinast denne veka var ein russisk kryssar på veg inn Varangerfjorden. Fartøyet heldt seg i russisk farvatn, men aktiviteten blei omtalt som «utanfor det normale».
Russland har også varsla at dei vil gjennomføre ein missiltest sør for Bjørnøya, ifølgje NRK.
STÅLE ULRIKSEN, FORSKAR ved Sjøkrigsskolen i Bergen, fryktar at salet kan gjere at norsk teknologi endar opp i russiske militaerskip.
Kontra etterretningssjef Hanne Blom berg i Politiets trygg l eiks t eneste (PST) vil ikkje kommentere det konkrete salet, men peikar generelt på at naeringslivet i autoritaere land ikkje står like fritt frå styresmaktene som det gjer her heime.
PST har tidlegare åtvara om at utanlandske eigarar kan drive strategiske oppkjøp i Noreg etter koronakonkursar, og peika nettopp på mål som liknar Bergen Engines.
Salet har fått fleire til å reagere.
«JEG FORSTÅR GODT at Sjøforsvaret reagerer. Det spiller en rolle hvem som leverer motorer og har ansvar for service, vedlikehold og reservedeler til de norske kystvaktskipene», seier Anniken Huitfeldt (Ap), leiar av utanriks- og forsvarskomiteen på Stortinget, til BT.
At selskap eigd av russiske oligarkar skal drive vedlikehald av norske kystvaktskip, verkar temmeleg uforståeleg.
Christian Tybring-Gjedde (Frp), andre nestleiar i same komité, meiner regjeringa har sove i timen ved å ikkje gripe inn på eit tidlegare tidspunkt.
AT SELSKAP EIGD av russiske oligarkar skal drive vedlikehald av norske kystvaktskip, verkar temmeleg uforståeleg. No bør Forsvaret forsikre om at kunnskap om teknologi og utstyr ikkje hamnar i feil hender.
DETTE ER IKKJE TIDA for å vere naiv i møte med russiske interesser.