Lei av grå skyer og regn? Snart kjem sola tilbake.
Senere i uken kan det bli mye pent vêr på Vestlandet.
– Det ser ut til at det etter kvart blir ganske så pent vêr i Vestland fylke, seier Per Egil Haga, vakthavande meteorolog ved Meteorologisk institutt.
Den siste veka har vêret vore prega av grå skyer og regn, men det er i ferd med å endre seg. Allereie i dag kjem sola til Vestland, men temperaturane vil nok ikkje stige over 20 grader, ifølgje meteorologen.
Blir best frå onsdag og utover
På tysdag blir det derimot ikkje like fint, då ei frontsone passerer.
– Dette fører nok til skydekke og kanskje regn, seier Haga.
På onsdag ser det ut til at eit høgtrykk skal etablere seg, med senter i Storbritannia. Dette gir bra vêr på Vestlandet.
– Frå onsdag og utover vil det bli solvêr og stigande temperaturar.
Temperaturen er venta å ligge mellom 20 og 23 grader dei fleste stadar i Vestland.
– Om det ikkje blir tropevarme, så er det i alle fall gode sommarlege temperaturar. Det vil også vere rolege vindforhold, både på kysten og for dei som skal på fjellet, seier meteorologen, og legg til:
– Bergen er stort sett ikkje den staden ein får dei høgaste temperaturane, som ein får når ein kjem litt lenger inn i fjordane. Men det ser ut til at det blir godt over 20 grader også i Bergen.
Kan bli regn igjen etter helga
Ifølgje meteorologen kan det bli 25 grader enkelte stadar i Vestland i helga, men etter det ser det ut til at moroa er over.
– Det er litt usikkert korleis det blir når vi passerer søndag. Det kan sjå ut som at lågtrykk vil dominere frå sør, noko som gir mogelegheit for skyer og regn igjen, seier Haga.
Meteorologen summerer opp den neste veka slik:
– Vestlandet har ei god sommarveke i vente, med atterhald om på tysdagen.
rå onsdag og utover vil det bli solvêr og stigande temperaturar.
Per Egil Haga, vakthavande meteorolog