FO-leiar krev full gjennomgang av Nav-systemet etter knivdrapet
– Dette skulle aldri skjedd, seier FO-leiar Mimmi Kvisvik. No meiner ho heile Navsystemet må evaluerast. Nav-leiinga lovar ny vurdering av tryggingstiltak.
Måndag blei ei kvinne tilsett i Nav drepen etter at ein mann knivstakk henne og ein kollega. Kollegaen, ei kvinne i 30-åra, er lettare skadd etter hendinga.
Knivstikkinga skjedde medan dei tre sat i møte i eit samtalerom på Nav Årstad.
– Det som har skjedd er djupt tragisk, og skulle aldri skjedd. Det er berre sørgjeleg, seier leiar for fagforeininga FO, Mimmi Kvisvik.
No meiner ho det er på tide å ta ein full gjennomgang av Navsystemet. Ikkje berre for å sikre tryggleiken til dei tilsette, men også for å sjå om systemet eigentleg gjer jobben sin.
– Dei tilsette i Nav sit med ei oppleving at dei er veldig utsette. Og det stemmer jo. Nav-tilsette har fem gongar så høg risiko som resten av arbeidsstokken for å bli utsett for trugslar og vald, fortel Kvisvik.
– Mange labyrintar
Ho meiner to ting bør skje no:
Ein må revitalisere tryggleiksarbeidet
● i Nav, slik ein gjorde etter drapet på Nav Grorud i 2013. Arbeidstilsynet må og sørgje for at forskrifta om arbeid som kan medføre vald og trugslar blir oppfylt.
Ein bør ta ei full evaluering av
●
Nav-systemet. Fungerer det slik vi ønskjer? Blir brukarane varetekne? Blir dei tilsette tatt vare på? Samhandlar ein godt nok med andre sosiale tenes
I 2019 oppga 37 prosent av dei tilsette i Nav at dei var blitt utsett for trugslar eller vald.
Ein relativt høg andel oppga også at det ikkje var blitt gjennomført førebyggande tryggleiksarbeid – som risikoanalysar eller opplæring.
– Det er på høg tid å finne ut kvar vi står no, seier Kvisvik.
– Meiner du det som skjedde på Nav Årstad var ei varsla katastrofe?
– Ja. Eg synest vi alle saman må spørje oss om vi har gjort nok for å forhindre dette.
Direktør i Nav, Hans Christian Holte, var i Bergen tysdag for å møte dei tilsette og den lokale leiinga etter drapet på ein Nav-tilsett.
Han er samd med Kvisvik om at det trengst ein ny gjennomgang av Nav-systemet.
– Det er heilt naturleg at vi, på bakgrunn av denne tragiske hendinga, ser på korleis dei tryggingstiltaka Nav har i dag står seg.
Nav har eksistert sidan 2006. Det er rundt 15 år sidan, og då kan det vere ein god idé å sjå på om ein har den riktige styringsmodellen. Mimmi Kvisvik, leiar for fagforeininga FO