Fylkespolitikarane må gå i seg sjølve, og tenkje gjennom kvifor ein kommune i Sunnhordland ikkje lenger vil vere med i Vestland.

IJANUAR SKAL BEFOLKNINGA i Sveio stemmeover kva fylke kommunen skal tilhøyre i framtida. I dag høyrer Sveio til iVestland, og det bør kommunen gjere framover òg. Mange i kommunen har ei sterk tilknyting til Sunnhordland. Frå Sveio og nordovermot Stord og Bømlo er kommunikasjonen god – takka vere trekantsambandet.

Spørsmålet er om Sveio er tentmed å gå frå å vere ein ytterkant iVestland i dag, til å vere ein ytterkant iRogaland.

EIT ARGUMENT SOM VERT BRUKT for fylkesbyte, er at Sveio ligg nær Haugesund. Eit fylkesbyte kan samlemeir av Haugalandet i eitt fylke. Etne vil derimot bli igjen i Vestland.

Koplinga til Rogaland eksisterer i dag, og fungerer godt. Det er skulestrukturen eit godt døme på.

I DAG GÅR BERRE 13 PROSENT av elevane busett i Sveio på vidaregåande skular i Vestland. Resten går på skule i Rogaland, ifølgje ein rapport fråTelemarksforsking.

Den har Sveiokommunebestilt for å lage eit grunnlag for fylkesbytet.

Elevtala viser korleis det inter-fylkeskommunale samarbeidet fungerer, og at fylkesgrensene ikkje er harde.

VEDTAKET OMFOLKERØYSTING er eit sterkt signal til politikarane i Vestland om at Sveio ikkje er nøgdmed situasjonen i dag. Det kviler eit stort ansvar på fylket for å sørgje for at det finst gode tenester ytst i fylket.

Fylkespolitikaranemå gå i seg sjølve, og tenkje gjennom kvifor ein kommune i Sunnhordland ikkje lenger vil vere mediVestland. Men det er kommunane somstår for størstedelen av velferdstilbodet til folk.

Der vil ikkje fylkesbytet gjere noko frå eller til.

Heller enn å flytte kommunar ut av Vestland, burde Rogaland på sikt gå inn i eit vestlandsk storfylke.

SÅ ER DET EI KJENSGJERNING atVestland har store utfordringarmed å binde fylket og regionen tettare saman.

I dag er det drygt 420 kilometer frå fylkesgrensa i sør til fylkesgrensa i nord. Dei utfordringane blir ikkje mindremed eit større fylke. Men regionen vil bli meir slagkraftig.

Det er viktig, sidan det er dei sentrale styresmaktene somavgjeromHordfast vert realisert. Den planlagde fjordkryssinga ogmotorvegen vil korte ned avstandenmellomBergen, Haugalandet og Stavanger.

Sveio ligg langs denne hovudvegen, og det er langt viktigare for utviklinga til Sveio enn kva fylke dei høyrer til.