No blir det nye doar i parkane
Det er tverrpolitisk doeinigheit i bystyret – no skal det byggast nye offentlege toalett i både Nordnesog Nygårdsparken.
For ein gongs skuld har høgreog venstresida i bergenspolitikken funne saman:
Begge er einige i at det no er på tide å få på plass offentlege toalett i dei to store parkane i Bergen sentrum – Nygårdsparken og Nordnesparken.
– Det er mange år sidan det blei etterlyst toalett i både Nygårds- og Nordnesparken. Dette bør det vere einigheit om, og grei skuring at bystyret kan få gjort noko med, meiner bystyrerepresentant Eivind NævdalBolstad (H) som kom med forslaget i mai 2021.
Arbeidet med å etablere permanente offentlege toalett i Nygårdsparken er allereie i gong, og det er sett av pengar til tiltaket i perioden 2021–2024. Nedre del av parken er no under oppussing til ein total prislapp på rundt 67 millionar kroner.
Eit alternativ er å bygge toalett i gartnarbustaden ved fotballbana på Møhlenpris, eller i eit nytt bygg like ved. Det blir også vurdert å bygge eit nytt toalettbygg i søre del av parken.
– For dårleg på toalett
I løp av våren 2022 vil dette truleg bli avklart i bystyret, og dersom ein vel å gå for gartnarbustaden kan bygginga av toaletta starte allereie neste haust.
Men heilt i boks er dette endå ikkje.
Bymiljøetaten meiner at det vil vere behov for eit HC-toalett og to standard toalett. Tilbodet vil med andre ord ikkje vere dimensjonert for dei travlaste dagane i parken, og ved større arrangement må eigne mellombelse toalett på plass.
– Bergen har vore for dårleg på offentlege toalett i fleire tiår, noko eg trur fleire parti må ta ansvar for. Men no skjer det, seier Bakke.
– Må få opp farta
I Nordnesparken må bergensarane knipe igjen lenger – her kan det ta fleire år før planane er i boks fordi ein må politisk vedta kvar doen skal ligge, sikre finansiering og planlegge bygging.
Høgre meiner byrådet må få opp farta.
– Vi har bedt byrådet om å legge fram ei sak for bystyret i første halvår 2022. Er det ein ting diskusjonar om offentlege toalett i Bergen har lært oss, er det at det ikkje skadar med ein utolmodig opposisjon, seier Nævdal-Bolstad.
Utval for miljø- og byutvikling ber også byrådet om å få på plass mellombelse toalett snarast, som festivaldoar eller liknande.
– Kan det vere på plass allereie til sommaren?
– Det kjem an på om dei folkevalde finn pengar til det. Vi fekk det på plass i sommar i Nygårdsparken fordi behovet var svært stort, seier byutviklingsbyråd Thor Haakon Bakke (MDG), som ikkje kan love noko heilt endå.
– Fryktar det vil dra ut
Den permanente løysinga kan anten ligge i tilknyting til Nordnes sjøbad, få plass i bygningsmassen til Akvariet og Havforskingsinstituttet når dei flytter til Dokken, eller ligge i eit nytt, frittliggande bygg.
– Vi ønskjer eit frittliggande bygg. Vi veit ikkje kor lenge det vil ta før bygningsmassen vil bli