Er det eigentleg nokon som ynskjer seg noko til jul lenger? Når skreiv du sist ei liste?

I vårt overflodssamfunn er det strengt tatt ingen grunn til å ynskje seg noko som helst lenger. I dag har dei fleste av oss sopass god økonomi, at når vi treng eller har lyst på noko, kjøper vi det sjølv. Eller? Korleis står det eigentleg til med kvarmannsen og draumane hennar? Eg veit i alle fall sjølv at når eg skal kjøpe gåver til mine naere og kjaere, synest eg alltid det er like vanskeleg. Dei treng jo ingenting! Og ikkje verkar det som om dei ynskjer seg noko, heller. «Snille barn», er ein kvar fars svar på det evinnelege spørsmålet «Kva ynskjer du deg til jul i år?», og det er noko i det. Er ikkje det beste vi kan gi kvarandre tid saman, omsorg og godheit?

Jau då.

Men så kjennest det litt godt å gi noko konkret og handfast òg. Noko personleg og med meining, helst. Slik at gåva betyr noko, slik at «tingen» får ein verdi utover seg sjølv. Slik at mottakaren blir ekstra glad for han, vil verdsetje han og ta vare på han. Så kvar begynner vi?

Eg foreslår at du tar ein kik på julegåveguiden vår frå side 98. Der startar vi med å gi deg 57 idear til norskdesigna gåver, for om ikkje dét gir meining, veit ikkje vi! Det er noko veldig fint med å seie, «sjå her, eg har valt ut noko til deg som fremjar kulturarven vår, som støttar opp om lokal tankekraft og kanskje til og med lokal arbeidskraft og industri. Dessutan fekk det meg til å tenke på deg». Er ikkje det ei fin gåve, kanskje? Ei slik gåve vil kanskje vare ekstra lenge, i staden for å bli vekkgøymd, gløymd og, på sikt, kanskje kasta, fordi ho berre er «husafyll». Det er ikkje godt for nokon, saerleg ikkje for kloden.

Sistnemnde har vi her i Bo Bedre faktisk tenkt på ei stund. Trykkeriet som lagar bladet vårt har jobba lenge og trutt for å oppnå dei strenge miljøkrava til Svanemerket – og no har dei lukkast. Trykksaken du held i handa er dermed den første Svanemerka-utgåva av Bo Bedre, og for oss er det den finaste julegåva av alle. Nyt ho!