\ VELKOMMEN
På denne tida i fjor var det mykje som sto på spill for Bo Bedre. Forlaget vårt var nettopp lagt ned, kollegaer hadde mista jobbane sine, omstruktureringane var omfattande og det låg generelt mykje usikkerheit knytt til produksjonen av magasinet. Med andre ord: Framtida kunne sjå dyster ut.
Heldigvis blir ting sjeldan så ille som ein innimellom fryktar. «Naud laerer naken kvinne å spinne», heiter det seg, og her omkring bretta vi opp ermane og laerte oss både det eine og det andre for å halde varmen. Og det har funka så bra! Eg nemner i fleng:
Bo Bedre blei på dei siste lesertalsmålingane frå Mediebedriftenes landsforening nok ein gong kåra til Norges mest leste design- og interiørmagasin. Vi fekk til og med status som eitt av dei ti mest leste magasina uavhengig av sjanger. Det er vi stolte av og glade for!
I august gjekk Bo Bedre Designpris av stabelen for 11. år på rad, til jublande begeistring i ein full DogA-hall, med glade vinnarar og ditto gjester. Saerleg veit vi at designbransjen set pris på denne møteplassen, og det er ingenting som gjer oss gladare enn å vite at vi bidreg til både å fremje og vere ein grobotn for ny norsk design.
I mai hadde vi stor suksess med saken om Lindesnes-restauranten Under, som einaste norske magasin som fekk tilgang før opninga. Bilda som var tekne av fotograf Inger Marie Grini vart snappa opp av Snøhetta, gjekk som ein farsott på nett, og vart publisert over heile verda. Gøy!
Gjennom serien vår Hjemme hos stylistene har vi vore på besøk hos nokre av Norges leiande trendsettarar. Og bodskapen frå ein samla stylisttropp? Bry deg litt mindre om trendar, og mykje meir om det som varer. Meir «spot on» når det gjeld Bo Bedre sine eigne verdiar kunne det ikkje ha vore. Det varmar!
I tillegg har vi vist fantastiske norske heimar og samanfatta dei i samlarobjektet Bo Nordisk. Vi har vist både ny og klassisk norsk design, presentert nye norske merkevarer og handverkarar som tør å satse. Kort sagt: Vi har feira heile året.
Om ikkje dette gjorde alle bekymringar til skamme, veit ikkje eg. Og du?
Det lovar innmari godt for året som kjem.
Godt nytt år, og takk for det gamle!