Fartsgrensa forbi Ose
Prestisje eller trafikktryggleik?
●● For dei av oss som gjennom fleire år har vore engasjerte i saka om nedsett fartsgrense forbi Ose, er det vanskeleg å tolke Vegvesenet sin manglande respons på annan måte enn at dette har utvikla seg til ei ei prestisjesak for dei. Gjennom munnlege og skriftlege førespurnader, avisinnlegg og det årlege møtet mellom kommunen og Vegvesenet har vi gong på gong peika på den farlege trafikksituasjonen som 80-sone gjennom dette vesle lokalmiljøet representerer – utan resultat.
Argumenta våre bør vere kjende:
Der er av- og påkøyrsler til butikk, bensinpumper, Reiårsvatn hyttefelt, serveringsstader og severdighetar – og ikkje minst uoversiktlege knutepunkt til og frå austsida over Ose bru. Manglande gang- og sykkelstiar heilt frå Reiårfossen Camping samt livsfarlege busstopp rett ut i vegen gjer forflytningsaktivitetar for både mjuke og harde trafikkantar til ein risikabel manøver.
Sommarsesongen med stor festivalaktivitet byr på dei største utfordringane. Det same gjeld helgetrafikken, ikkje minst påskeutfarten, når hyttefolket har det travelt med å kome seg til og frå sine destinasjonar.
Den einaste responsen vi har fått frå Vegvesenet i denne prosessen er då vi samla ca 300 underskrifter til støtte for fartsreduksjon.
Vi blei då gjort merksame på at Vegvesenet gjer sine eigne vurderingar og tek som regel ikkje omsyn til ”folk flest”. Med hjartet i halsen og hatten i handa går vi