Eg hyller dere!
Ein stor og inkluderande frivillighet landet over, det er Noreg på sitt beste.
Tusenvis av unge og vaksne stiller opp. Og dei fortener all honnør, både når dei bidrar til å sikra ein meiningsfull kvardag, og når dei gir gode tilbod i ferietida. No i haustferien ser vi mange døme på tilbod som Kristiansund med BUA og frivilligsentralen der dei held åpent heile ferien for barn over SFO-alder, gratis musikkverkstad i Fredrikstad, fotballskule i Stavanger, 60 gratis aktivitetar i Asker, gratis tilbod på bygdekino og Fjellhamar fotballklubb som gir kostnadsfritt tilbod med varm mat og frukt til 280 barn og unge.
Full momskompensasjon er viktig for å få meir igjen i klubbkassa og for å sikra aktivitet og tilbod rundt om i heile landa, og det har vore frivilligheten sitt viktigaste krav. Etter valet i fjor var noko av det første vi gjorde å innfri det. Og vi gjer det igjen i 2023.
Eg vil óg trekkje fram nokre av dei andre budsjettprioriteringane vi gjer for neste år i eit stramt budsjett:
- Aukar potten for inkludering av barn og unge med 96 millionar kroner. Her i blant pengar til meir gratis utlån av idretts- og friluftutstyr via BUA, slik at fleire barn får moglegheita til å delta i aktivitetar.
- Styrkar ein eigen aktivitetspott som skal gå til å dekka kontigent, og dermed inkludere barn og unge i familiar som slit ekstra økonomisk.
- Forsterka straum-støtteordninga for frivilligheten og idretten, som regjeringa vil vidareføra til juni 2023. Målet er å halde oppe aktivitet, trass i høge straumprisar.
Det er krevjande tider med krig i Europa, store miljøutfordringar og økonomisk uvisse. Det er bra at vi gjennom demokratiet vårt og felles velferdsstat kan velja å gi fleire barn og unge ein betre kvardag, og visa at vi set pris på frivilligheten.