Mållaget skifter namn etter 122 år
No skal Landvik mållag hete noe ganske anna.
Innsendt bidrag: Det blei oktober før Landvik mållag kunne halde årsmøte, av grunnar vi alle kjenner. I tillegg til vanlege årsmøtesaker, hadde vi ei stor sak på programmet: Skal vi bytte namn til Landvik dialekt- og mållag? Forslaget blei sett fram i styret i vår ved Grete Aldersjøen Kalvehagen.
Seinare kom det inn eit forslag frå ein av veteranarane om å «løpe lina heilt ut» og bytta namn til «Grimstad dialektog mållag».
Ikkje bare nynorsk
Grunngjevinga er at namnet seier tydeleg at ein arbeider både for nynorsk mål og dialektar. Å arbeide for lokalt språk ligg truleg naerare «vanlege folk» i Grimstad enn å arbeida bare for nynorsk.
Namnebyte vil truleg gjera det lettare å få fleire medlemmer, og fleire yngre medlemmer. Landvik mållag er det einaste mållaget i Grimstad kommune, og har medlemmer også utanfor Landvik.
Det har vore mållag både i Grimstad («Grømstad mållag») og Fjaere, Dei gjekk for mange tiår sidan inn i Landvik mållag. I mot namneendring har vi funne eitt moment: Landvik mållag er eit tradisjonsrikt namn, og var namnet på laget heil frå starten i 1899.
Ny i styret
Vi tok kaffi- og kakepause medan vi lufta tankane om namneendringa.
Årsmøte gir gjekk så einstemmig inn for å endra namnet frå Landvik mållag til Grimstad dialekt- og mållag.
Velkommen som medlem dersom du synes arbeid med dialektar er interessant og spanande!
Det blei ei endring i styret. Grete A. Kalvehagen ønska avløysing. I hennar stad kom Lars Olav Karlsen inn, I tillegg sit desse i styret: Lars Magne Tønnesøl, Ingeborg Krogsgaard og Astrid S. Sandkjaer. Vararepresentantar er Kristian Hørte og Gerd Jorunn Igland. Laget har 64 medlemmer.