På seks veker har ungdommane laert å danse swing
– Vi kunne ingenting om swing for seks veker sidan. Det var ganske vanskeleg i starten, det er krevjande å skulle halde takta heile tida, seier Mathea Evje frå Orstad.
– Eg trur alle her tar dette veldig seriøst. Alle vil vinne, seier dansepartnar Leon Refsnes.
Skulemeisterskap
Etter fleire timar med dansing i Vollhallen i Klepp, stod dei att som vinnarane av skulemeisterskapet i swing fredag, der 21 par frå ungdomskulane på Klepp, Bore, Orstad og Orre deltok.
I forkant har samtlege elevar i 9. klasse i Klepp kommune deltatt på swingkurs i skuletida.
Dommarpanelet bestod av tre verdsmeisterar i dans: Anja Hauge, Tetiana Georgiievska og Sondre Olsen-Bye.
Ungdomskultursenteret Axis er arrangør, og kursa er ein del av Den kulturelle skulesekken i Klepp.
– Eg synast nivået er ganske høgt etter berre seks veker. Men når verdsmestrane skal danse for oss etterpå, får vi jo sjå skilnaden, seier Brit Wiig, dagleg leiar i Axis.
Danseinstruktør Steven Karlsson har hatt jobben med å trene opp ungdommane. Dei unge dansarane deltok på vegne av skulane sine, og dei som hamna på pallen fekk forskjellege pengepremiar. Vinnarane fekk dessutan billettar til NM i swing.
KLEPP: For seks veker sidan begynte Leon Refsnes og Mathea Evje å danse swing. Fredag vann dei skulemesterskapet.
Har øvd kvar dag
–Denne veka har vi øvd kvar dag, seire Sara Marie Storhaug frå Klepp.
Ho dansa saman med venninna Serina Møller Hetland. Jentene har kjent kvarandre sidan barnehagen og dansa saman like lenge. Dei kom seg til semifinalen.
– Men tidlegare har vi dansa mest hiphop, og så har vi drive med turn. Vi kunne ingenting sving før vi starta på kurset, seier ho.
Blant finalistane var Karina Bertelesen og Mathias Håland frå Klepp skule. Dei var spesielt opptatt av å leve seg inn i dansen.
– Å smile er viktig for å sjarmere dommarane, seier Mathias.