– Uventa positive haldningar til kulturhovudstaden Stavanger

STAVANGER: To av tre innbyggarar på Nord-Jaeren meiner det var rett av Stavangerregionen å bli europeisk kulturhovudstad i

2008. Over 80 prosent meiner Stavanger har blitt ein interessant kulturby dei siste ti åra. – Overraskande positive tal, meiner forskingsleiar Hilmar Rommetvedt ved IRIS.

– Du skulle tru at haldninga til 2008 falt litt med fallande merksemd rundt kulturhovudstaden dei siste åra. Dermed er det både overraskande og interessant med så solide tal ti år etter, seier forskingsleiaren og professoren.

Rommetvedt har interessert seg for kulturforsking heilt sidan han var student på DH i Stavanger på 1970-talet, og har sjølv vore med på å forska på kulturfeltet i Stavanger i fleire rundar sidan 1990-talet.

Spørjeundersøking

IRIS gjennomførte spørjeundersøkingar rundt kulturbruk, kulturinteresse og haldningar på oppdrag av kulturhovudstadsåret 2008. Undersøkingane blei gjennomført i 2007 og 2009, for å måla eventuelle endringar før og etter kulturhovudstadsåret. IRIS foreslo også å gjennomføra tilsvarande undersøkingar i år, for å undersøka mulige langtidsverknader, men det blei stemt ned i kulturstyret i Stavanger i juni i fjor.

Men om politikarane i Stavanger ikkje vil finna ut av langtidsverknadene av gigantsatsinga, er i alle fall Aftenbladet interessert. Me har fått Respons Analyse til å stilla fem spørsmål om kultur til eit representativt utval av befolkninga over 18 år i Stavanger, Sandnes, Sola og Randaberg. Tre av spørsmåla er dei same Iris stilte i 2007 og 2009, og resultata kan derfor samanliknast.

Tala viser seg å vera forbløffande positive: y 61 prosent av dei spurde reknar seg som svaert eller ganske interesserte i kultur. Dette er ein marginal nedgang frå 2009 (63 prosent) og 2007 (66 prosent). y Vel 30 prosent er mindre interesserte, mens 8 prosent seier dei ikkje interesserer seg for kultur. I 2007 og 2009 erklaerte fire prosent seg som heilt uinteresserte.

–Ein kunne forventa auka interesse for kultur akkurat rundt 2008, men interessa har halde seg ganske bra. Det finst uansett eit tak for kor mange som interesserer seg for kultur, seier Rommetvedt.

– Betre kulturby

Men uavhengig av om ein er meir eller mindre kulturinteressert, meiner eit overveldande fleirtal av dei spurde at Stavanger er blitt ein interessant kulturby dei siste ti åra. Over 81 prosent er heilt eller delvis einige i påstanden. I 2007 og 2009 sa i overkant av 60 prosent at Stavanger var ein interessant kulturby.

– Dette er veldig høge tal. Men så er det heller ikkje tvil om at kulturtilbodet er eit heilt anna i 2018 enn det var før 2008, kommenterer Rommetvedt.

– Positiv effekt

Både før, under og etter 2008 blei det gjenteke at hovudpoenget med kulturhovudstadsåret var etterverknaden; at kulturhovudstadsåret skulle ha ein varig effekt. Det er ikkje mulig å måla den direkte effekten av akkurat 2008, men Rommetvedt minner om at kulturhovudstadsåret bare var eitt element i ei langvarig, bevisst og politisk satsing på kultur i Stavanger.