Odd Dubland 80 år

Fyrstkomande måndag, 10. desember, fyller multikunstnaren, songaren og forkynnaren Odd Dubland 80 år.

To dagar før, i morgon laurdag, skal han feira dagen sin på Ålgård Bedehus.

Han er original: På Facebok har han lagt ut innbyding, og seier at dei som har hug å vera med, sjøl må gi melding til han att dei kjem.

Då han var 70 år skreiv han: «Når det gjeld gåver – så husk at Odd er ein enkel mann som kan seia med Bibelens kong David – «Det vantar meg ingenting» Ved 80 års høgtida seier han at dei som ynskjer det kan få gi ei pengegåve, og den skal i sin heilhet gå til Norea Radiomisjon. Og vil dei heller kjøpa boka hans til 298 kroner, ja, så går også det til Norea.

Dubland vert kalla multikunstnar, og gjerne songevangelist. Kjent over heile landet som kunstmålar, songar og forkynnar. Han har gitt ut tre bøker og sju songproduksjonar, fire kassettar og tre CD’ar

Han er frå Varhaug, og bur nå på Ålgård. I mange år budde han i Dirdal saman med kona si, Haldis, som døydde for fire år sidan. Dei har fire born, ni barneborn og eit oldeborn.

20 år gamal tok han til som forkynnar i Norsk Luthersk Misjonssamband. Han har hatt ulike stillingar i misjonen: Ungdomssekretaer i Stavanger krins, og forsamlingsleiar (nå kallar NLM det for pastor) i tre byar; Salem i Bergen, Misjonssalen i Sandnes og Salem, Stavanger. Og sidan 1975 forkynnar med heile landet som virkefelt. Ei tid var han timelaerar ved Fjelltun bibelskole i Stavanger og eit år laerar ved Fjellhaug Bibelskole i Oslo.

Kvar veke er Dubland på lufta med programposten «Odd i krånå». Måndagene på pTro (tidl. Radio Sørvest/Nytt Liv Media) i Stavanger og tysdagane på Jaeren Misjonsradio. Han sit heime i stova eller han sit ved telefonen i bilen. Derfrå kommenterer han ting som er oppe i tida – og i misjonen. Han har gjerne også eit bibelord som han seier noko om.

Spør du jubilanten om kva som får han skikkeleg opprørt, så kjem svaret kontant: Ein halv times leiting etter 7de sansen, og eg finn den på baklomma.

Og spør du kva for ein eigenskap han saknar mest hos seg sjølv, så er han ikkje i tvil. Det er ordenssans og evne til empati.

Me er mange som ynskjer Odd til lukka med 80 års dagen. Og det skal du veta vyrde medarbeidar: Du har ennå mange år framføre deg som forkynnar av Guds nåde!

Stangeland Gruppen har nylig feiret sine jubilanter. Nordic Crane Vest AS: Framme fra venstre: Halvard Hettervik (10 år), Kjell Ove Saether (10 år), Roy Otto daglig leder i Nordic Crane Vest AS (30 år), Odd Gaute Undheim (10 år), Ole Øystein Rogne (10 år) og Erling Einarsen (10 år). Bak fra venstre: Olav Stangeland, konsernsjef i Stangeland Gruppen AS, Tom Furland, HR-leder i Nordic Crane Vest AS og Tommy Stangeland, daglig leder i Stangeland Maskin AS. Ikke til stede på bildet: Per Egil Book (20 år), Svein Maele (10 år), Lars Atle Børve (10 år), Jan Kåre Hoem (10 år).