Fire av ti sosialarbeidarar har blitt slått og trua på jobb
ARBEIDSMILJØ: Miljøarbeidar Kjell Ross Jenssen (56) har blitt sparka i skrittet og opplevd at ein brukar beit seg fast mellom skulderblada hans. Tillitsvalte reagerer på lav bemanning hos krevande brukarar.
– Eg trudde eg skulle takle det greit. Tidlegare har eg fått truslar, tenkt på det i eit par dagar, men så har det gått over. Med denne drapstrusselen var det annleis. På veg heim frå jobb lyste eg rundt med lykt og tok forhåndsreglar også heime. Redsla sat i lenge, seier Kjell Ross Jenssen.
I over 20 år har han jobba som miljøarbeidar ved forskjellege institusjonar.
– I perioder har det vore mykje utagerande brukarar. Eg har blitt slått, sparka i skrittet og opplevd at ein brukar beit seg fast mellom skulderblada mine.
Tal frå Nasjonal overvåkning av arbeidsmiljø (Noa) viser at 41 prosent av vernepleiarar og sosialarbeidarar, gruppa Jenssen tilhøyrer, har opplevd truslar og vald på jobb. Samtidig er det grunn til å tru at talet er ein del høgare ettersom mange ikkje melder frå.
Aleine med valdeleg brukar
– Med slike brukarar er det viktig at vi er godt bemanna og at vi er trygge på at kollegaene har riktig kompetanse. Brøling, slag i bordet og ting som blir kasta i veggane er ein del av arbeidsdagen. I ein slik jobb må vi kunne gi kvarandre eit blikk når noko smell i gulvet og vi treng hjelp med å kome oss ut av situasjonen. Det kan ein ikkje om det er mange ufaglaerte og vikarar som ikkje kjenner brukarane.
Åshild Thorsen, hovudtillitsvalt i Fellesorganisasjonen (FO), seier lav bemanning og mangel på kompetanse blant dei tilsette er eit gjentakande problem, spesielt i barnevern og bustader for psykisk utviklingshemma. FO organiserer yrkesgruppene vernepleiarar, sosionomar, velferdsvitarar og barnevernspedagogar.
–Eit fellestrekk i episodene som blir meldt inn, er at tilsette ofte var aleine med ein brukar. Vi treng meir ressursar og fleire med fagkompetanse. Dette er jamt over likt i alle kommunene. Kva er politikarane villige til å betale for at vi skal få inn nok fagpersonar, spør Thorsen.
– Meir krevande enn før
Tala frå Noa viser at 32 prosent av pleie- og omsorgsarbeidarar har opplevd vald og truslar på jobb, medan 27 prosent av sjukepleiarar melder om det same. Det er meir enn tre gongar så mykje som snittet for aller yrker og bransjer. Nina Horpestad, fylkesleiar i Sykepleierforbundet, trur der er store mørketal.
– Det blir ikkje snakka så høgt om vald og truslar frå pasientar fordi ein gjerne tenker det er ein del av sjukdommen. Blant våre medlemmer er det nok psykiatrisk divisjon på sjukehuset som er flinkast til å snakke om det.
Arbeidstilsynet har hatt tilsyn hos 19 forskjellege sjukeheimar, omsorgsbustader og institusjonar i Rogaland.
Aftenbladet har bedt om innsyn i tilsynsrapportar for fleire av sjukeheimane. Fleire skriv: «Noen avdelinger har mer vold og trusler enn andre. Det opplyses at pasienter og pårørende er mer krevende enn før».
Ein av sjukeheimane forklarer dette med stor utskifting av pasientar og mangel på kompetanse blant tilsette. Denne sjukeheimen viser til at dei har mange ufaglaerte arbeidstakarar med lite erfaring, og stor bruk av ringevikarar.
– Ikkje forsvarleg
Ein annan sjukeheim skriv at tilsette ofte jobbar aleine med pasientar, og at dette er heilt nødvendig på grunn av bemanninga. Denne sjukeheimen trur det er stor underrapportering på mindre alvorlege hendingar der tilsette er aleine med pasientar.
–Bemanninga kan vere lovleg, men så meiner vi det ikkje nødvendigvis er forsvarleg. Så er det enkelte arbeidsplassar ein er meir aleine enn andre, til dømes i heimesjukepleien. Dei opplever nok ein del, seier Horpestad.
Pårørande truar Sykepleierforbundet høyrer også om episoder med pårørande. Det andre ville kalt truslar, blir gjerne omtalt som ubehagelege episodar.
– Ein arbeider trass alt i eit tenesteytande yrke, og pårørande står i ei krise som gjer at dei kanskje kjem med utsegn og kom-