Gjenvalgt til å leia SV mot vindkraft på land

SAUDA: Ingrid Fiskaa frå Time fortsett som leiar av SV sitt fylkeslag i Rogaland, og fortsett kampen mot fleire vindmøller på land. I helga hadde partiet fylkesårsmøte i Sauda.

Rogaland SV seier nei til meir vindkraft på land. Det betyr nei til nye konsesjonar, og at gitte konsesjonar blir trekt tilbake der bygging ikkje er sett i gang eller vilkåra i konsesjonen ikkje blir respektert. I Rogaland vil dette gjelda for Vardafjell i Sandnes, Faurefjell i Bjerkreim, Tysvaer, Dalbygda og Gismarvik i Tysvaer og Gilja i Gjesdal.

– Rogaland SV vil at Noreg evakuerer einslege mindreårige flyktningar frå Moria-leiren i Hellas, sier Ingri Fiskaa.

– Rogaland SV avviser kraftskatteutvalet (Sanderud-utvalet) sitt forslag om endring i kraftskatten, som vil påføra mange kommunar i Rogaland store inntektstap. Kraftskatten er ein sentral del av samfunnskontrakten mellom storsamfunnet og dei lokalsamfunna som avgir areal og naturverdiar til produksjon av vasskraft.

– Audun Lysbakken heldt hovudinnleiinga på årsmøtet. Søndag innleia Atle Forfang Rostad frå Fellesforbundet og Industriaksjonen om industripolitikk. – Ingrid Fiskaa frå Time er gjenvalt som leiar i Rogaland SV for to nye år. Resten av fylkesstyret består av nestleiar Jon Salthe (Stavanger), kasserar Gerardo Osorio Diaz (Sandnes), Jeanette Lea Romslo (Hå), Anette Opheim (Suldal), Lise Langåker (Haugesund) og Ronald Velasco (Sosialistisk Ungdom).