Unge Høyre vil ha Milan Aran (20)
SANDNES: Milan Aran, leiar i Sandnes Unge Høyre, er valt som ungdomskandidat til Stortinget for Rogaland Unge Høyre. Det blei bestemt på eit fylkesstyremøte torsdag kveld. Dermed er han ungdomspartiet sin prioriterte kandidat til ein plass høgast mogleg opp på lista til Stortingsvalet 2021. Der tronar han saman med partiet sin andre ungdomskandidat, Aleksander Stokkebø. Stokkebø var ungdomskandidat også ved førre Stortingsval. Også Tina Bru, noverande olje- og energiminister, har hatt denne plasseringa. – Det vil vere veldig spennande å kunne vere med å påverke kva veg Norge tar etter koronatida. Vi har mykje arbeid framfor oss, seier Aran om moglegheita for å bli stortingspolitikar. Aran er 20 år og, så vidt Aftenbladet veit, den yngste ungdomskandidaten Unge Høyre Rogaland har hatt.