Tryglar Rogaland om å utsetje kuttet i hurtigbåtane
RYFYLKE: – Ryfylkingane vil ikkje finna seg i redusering av hurtigbåtrutene. Anten det er «litt» i 2021 og 2022, som fylkesutvalet vedtok, eller ei rasering frå
2023, som notatet frå Kolumbus er ei oppskrift på.
Dette skriv Berit Fyljesvoll Haugsland, Harald Halvorsen Løland, Kirsten Hellerdal Fosstveit, Ivar Andersen, Kristen Helgøy og Jan Sverre Grimstad i eit brev til fylkespolitikarane.
Dei kallar seg Ryfylkeaksjonen 2020 og kjem frå kommunane Suldal, Sauda, Tysvaer og Hjelmeland. Dei har og støtte i gamle Finnøy og Kvitsøy (sjå faktaboks).
Posisjonspartia i Rogaland fylkeskommune har planlagt å spare inn 40 millionar kroner på hurtigbåtane dei komande åra. Dette blir ikkje akseptert av båtavhengige ryfylkingar.
– Ryfylke bør ha eit kollektivtilbod på lik linje med resten av Rogaland, heiter det i utspelet. y Aktive bygder og variert naeringsliv har behov for kommunikasjon internt og til fylkeshovudstaden. y Verdiskapinga i denne delen av fylket er stor; vasskraft, stein- og mineralressursar, prosessindustri og havbruk. y Vårt krav om gode hurtigbåtruter er for at vi alle skal ha stabile forhold for arbeid og rekreasjon, turisme og utdanning. y Kolumbus har bestilt opsjon på avtalen for 2022, så mykje av kostnaden vil likevel vera bunden opp. Både naeringsliv, fastbuande, pendlarar, hyttefolk og turistar krev at vi må få halde oppe dei rutene vi har i dag ut 2022. Det er viktig med føreseielegheit. Fylkesutvalet peikar i sitt vedtak på ein grundig gjennomgang av anbodsgrunnlag for kollektivtrafikken i Ryfylke som skal gjelde frå 2023. Dette er eit godt forslag, meiner Ryfylkeaksjonen 2020, men meiner at ein må og ta høgde for at det kan bli endringar i statlege tilskot dei neste to åra.
– Vent til 2023
Ryfylkeaksjonen 2020 viser til at opposisjonen på fylket i sine alternative budsjettforslaga har funne rom for å halde oppe rutestrukturen ut anbodsperioden.
– Dette viser at det er handlingsrom for å halde fram med rutetilbodet som i dag. Nytt opsjonsmoglegheitene som ligg i dagens anbodsdokument. Behald rutestrukturen fram til 2023. Dette gir føreseielegheit i kostnadar for fylkeskommune og rutetilbod for brukarane. Bruk våren til å utarbeide eit grunnlag for eit framtidsretta kollektivtilbod for Ryfylke, meiner aksjonsgruppa.
Turistdestinasjonen Lysefjorden og attraksjonane Flørli og Kjerag kan også bli råka av kutta. Kombibåten «Lysefjord» trafikkerer fjorden til dagleg med dagpendlarar som jobbar ved kraftstasjonar i Lysebotn, medan det og er turistferje på sommarstid. Det er blitt diskutert å slå dei to tilboda saman, og drifte tilbodet med eit nullutsleppsfartøy.
Kva er Lysefjorden utan båt?
– Vårt mål er at Lysefjorden skal bli ein heilårs reiselivsdestinasjon. Innspelet til Kolumbus er at viss vi skal leggje turistferja i potten, må det nye sambandet ikkje bli dårlegare enn nå. Vi vil helst ha det betre. Dette betyr at vi ønskjer oss daglege avgangar, heile veka, heile året. Betre kapasitet på passasjerar og køyretøy. Nullutslepp. Ein båt som går innom alle kaiar, med tanke på fotturane Lysefjorden rundt. Dialogen med Kolumbus er god, seier Helge Kjellevold, dagleg leiar i Lysefjorden Utvikling og Stiftelsen Preikestolen.
Førebels er det ingen som veit korleis eit slikt fartøy skal vere. Reisetida må vere rask nok for dagpendlarane og samstundes gi turistane den opplevinga dei er ute etter.
– Dette er ting vi diskuterer. Vi tenker at reiseliv er samfunnsutvikling. Det vi gjer skal vere bra for dei som lever og bur i destinasjonen. Ein kan ikkje lage ein reiselivsdestinasjon som blir negativ for dei som bur og jobbar i fjorden, seier Kjellevold.