Håkon Nyland 80 år
Håkon Nyland vart fødd 2. desember 1942 i Norheimsund i Hardanger. Etter å ha avtjent militaertenesta i Madlaleiren, starta han opp på «Tekniken» i Stavanger. Og før han hadde avlagt endeleg eksamen i 1967, vart han «headhunta» av Arne Rettedal. I selskapet til «Madlabonden» var han byggeteknisk leiar i 14 år. Det største prosjektet han var engasjert i var sentralsjukehuset i Stavanger som vart bygd i den perioden. Heile fire år var Håkon engasjert i det prosjektet. I 1981 byrja Håkon i Esso Exploration, før han så i 1984 starta opp sitt eige firma, Nyland Byggadministrasjon.
Meit enn hundre byggprosjekt i Stavanger-regionen har han vore byggeteknisk leiar for. Då han pensjonerte seg i 1970 selde han firmaet til dei tilsette. I mellomtida hadde han mellom anna oppretta Nyland Eigedom og Nyland Invest. Hovudredningssentralen på Sola er eit av bygga han har sett opp og som han framleis eig.
Håkon er ein person som alltid har likt å reisa. Eit år reiste han verda rundt i tre månader, i lag med kona Wenche. Og mellom 60–70 land har han etter kvart vitja. Favorittplassen er Argentina med Buenos Aires, med Brasil og Rio de Janeiro på andreplass.
Håkon var med på stiftinga av Lions Harald Hårfagre i 1976 og er ein av tre «grunnleggarar» som framleis er med i klubben. Han har gjennom 46 år vore ein av dei store drivarane i klubben og bidrege med stor innsats og pengar. Han har dessutan alltid vore ein kreativ planleggar og reiseleiar for Løve-medlemene når dei skulle på tur rundt om i Europa.
Håkon Nyland har også hatt eit stort sosialt engasjement for «Fjordhagen» på Tau og vore ein avgjerande ressurs for å berga vidare eksistens til dette fantastiske tilbodet. Oilers og Viking Fotballklubb har han også i mange år vist stor interesse for. Han tok initiativ til «Kvamma-treffet» i Stavanger, for utflyttarar frå Kvam kommune, og samvaeret med sambygdingar har vore noko som har lagt hjarta hans naer.
Wenche og Håkon gifta seg i 1967, fekk dottera Annette i 1969, bygde hus på Madla i 1973 og fekk dottera Merethe i 1974.
80-årsdagen vert feira på Playa de las Americas på Tenerife, – i lag med familien sin og gode vener. Me ynskjer jubilanten til lukka med den store dagen.
Inger og Jarle Løno