– Det er veldig deilig
HANDBALL: Etter fleire meisterskap på sidelinja med skadetrøbbel har Gøran Johannessen blomstra i VM. På vegen tilbake til meisterskapsform har han nytta mental trening.
Lokal VM-stjerne set pris på ukjent hjelpar:
Gøran Johannessen er endeleg tilbake i meisterskap for Norge. OL i Tokyo måtte gå utan 28åringen grunna skade. EM i 2022 kom òg for tidleg.
Men under VM i Polen og Sverige spelar Stavanger-karen ei sentral rolle for landslaget som har tatt seg til kvartfinale med seks strake sigrar.
Norge har gjort reint bord i innleiiande runder og hovudrunda. Der har Johannessen vore ein av Norges viktigaste brikker. I sigeren mot Serbia blei den tidlegare Viking-spelaren kåra til banas beste.
Også mot Tyskland mandag kveld viste bakspelaren seg fram med fem nettkjenningar.
Mental trening
På vegen tilbake frå lyskeskaden har 28-åringen fått god hjelp. Han har først og fremst jobba mykje med seg sjølv, med stor støtte frå familien. Eit anna hjelpemiddel han har nytta seg av er mental trening.
Også i VM er mental trenar til stades. Johannessen har hatt fleire samtalar med Erik Hofseth.
– Det er positivt. Han veit korleis prosessane i hovudet. Vi snakkar ikkje nødvendigvis om handball. Vi snakkar om andre ting. Det er veldig deilig å ha ein som ikkje er involvert i det handballfaglege, seier Johannessen til NTB.
Gjennom hausten har bakspelaren snakka med mentaltrenaren for å få lufte ting. Om han føler på noko, tykkjer han det er fint å drøfte saker med nokon som ikkje er så tett på.
– Det eg syns er spanande med det, som du kanskje ikkje tenkjer så mykje på, er at du trenar kroppen kvar dag, men du trenar veldig sjeldan hovudet.
Spania neste
Som toppidrettsutøvar er du konstant på jag etter dei siste prosenta. Det som kan vere med å løfte deg endå eit hakk som handballspelar. Det kan utgjere ein stor forskjell, som til dømes mental trening, peikar Stavanger-karen på.
– Viss det hjelp meg ein halv prosent å snakke med Erik, så snakkar eg med han.
Spania i kvartfinale i kveld står Johannessen og resten av det norske laget overfor den største oppgåva så langt i meisterskapet: Kvartfinale mot Spania.
Skulle Norge slå Spania og ta seg til semifinale, er det førebels uvisst kvar semifinalen blir spelt. Enten held laget seg i Polen, der dei har spelt samtlege kampar til no i meisterskapet, eller så blir kvartfinalen i Stockholm.
Laget som går sigrande ut av kvartfinalen møter vinnaren av oppgjeret mellom Danmark og Ungarn i semifinalen.