I dag møter ho tvillingsøstera i medaljekamp
HÅNDBALL: Pappa Ronny Deila er eit kjent namn i norsk fotball. Onkel Sigurd Rushfeldt er den mestscorande fotballspelaren i Eliteserien. Lenge såg det ut som om Live Rushfeldt Deila skulle gå same veg. I staden blomstrar ho på ein anna arena.
Live (23) er dottera til fotballprofil:
– Det er spesielt, men eg tenkjer ikkje så mykje på det i kampen. Det er meir før og etter. Eg skal gjere jobben min slik at ho ikkje kjem seg forbi meg.
Live Rushfeldt Deila ler litt når ho snakkar om det som ventar onsdag. Sola møter Molde i eliteserien. Ein nøkkelkamp for medaljejagande Sola. Med siger vil gultrøyene forsterke sin posisjon på bronseplass og skaffe seg ei luke til nettopp nabellnabo Molde.
For Live blir kampen ekstra spesiell. Tvillingsøster Thale står på motsett banehalvdel. Store delar av livet har dei spelt på same lag for å saman stoppe motstandarane. Onsdag blir tonen ein anna.
– Undervegs i kampen er ho ein handballspelar. Eg tenkjer ikkje eg må vere forsiktig med ho. Det er meir at vi kollektivt må stoppe Molde som lag, då er
Thale ein sentral profil vi må stoppe, seier Deila.
Pappas fotspor
23-åringen er inne i sin andre sesong i Sola. Bakspelaren har tatt store steg i løpet av opphaldet i klubben og vekse fram som ei svaert sentral brikke på laget som har tatt to strake medaljar i eliteserien.
Klubben har imponert i Europa og er førebels utan tap i europaliga-gruppespelet.
At ho skulle ende opp som handballspelar var ikkje gitt. Fram til Deila starta på vidaregåande såg det lenge ut som ho skulle gå i pappa Ronny Deila sine fotspor og satse på fotballen.
Men ein ankelskade sette ein stoppar for karrieren på fotballbana. Difor blei det handball, som også tvillingsøster Thale hadde bestemt seg for å satse på.
Alt som 17-åring fekk Live eliteseriedebuten for Glassverket. Søster Thale låg eit hakk føre. Siste året på vidaregåande skildes tvillingane. For første gong skulle dei spele for kvart sitt lag: Live på Skrim Kongsberg, Thale på Fredrikstad.
– Det var litt rart, men eg trur vi hadde veldig godt av det. Det var deilig å få avstand. Eg trur ikkje folk skjønnar kor mykje vi var saman. Så startar ein å krangle veldig fort. Det er slike småting du irriterer deg over heile tida, seier Live.
Det gjekk ikkje lange tida før dei var gjenforent. Etter éin sesong frå kvarandre var begge
Fredrikstad-spelarar. Der blei det to sesongar saman før vegane igjen skildes.
Thale valde Molde, Live fekk tilbod frå Sola. Hennar tidlegare trenar i Fredrikstad snakka varmt om Steffen Stegavik. Han trudde ho kom til å passe godt inn i Solalaget. Pappa Ronny hadde òg samtalar med Sola-trenaren.
– Det var eit veldig lett val å velje Sola. Dei hadde ein plan, ein trenar og eg visste kva eg gjekk til. Steffen sa han henta meg som eit førsteval på venstreback. Det var veldig tryggande å høyre, sjølv om eg visste eg måtte bevise at eg fortente å spele, fortel ho.
Tilbake der alt starta
I 2021 var ho tilbake i byen der handballkarrieren starta. Det var
nemleg då pappa Ronny spelte for Viking, i 2005, at tvillingane gjekk på sine første handballtreningar.
Med ein pappa som var toppspelar, og etter kvart trenar, blei Live som liten introdusert for toppidrettslivet. Ho visste tidleg at ho ville satse på idretten og fekk oppleve idrettstilvaeret på naert hald.
Det blei ein naturleg veg å gå. Ho kan ikkje hugse eit bestemt punkt der ho visste at satsinga hadde starta. Trening var tidleg ein naturleg del av kvardagen. Men det har aldri vore eit press frå verken mor eller far.
– Pappa har vore veldig streng med oss. Vi skal halde på med dette fordi vi syns det er kjekt, ikkje fordi mamma og pappa vil vi skal drive med idrett. Han har alltid sagt at den dagen du ikkje syns det er kjekt lenger, så sluttar du. Han blei heller aldri sur for at vi valde handball. Han var sjølvsagt nysgjerrig på kor langt spesielt eg kunne kome i fotball, sidan eg var naer å velje det, fortel Deila.
«Dottera til Deila»
– Korleis har «dottera til Deila»stempelet vore?
– Eg og Thale har snakka ein del om det. Då vi gjekk til Fredrikstad var det «Ronny Deila si dotter skal spele for Fredrikstad». Då blir vi sånn: Okei, greitt. Det er ein fotballby, vi skjønnar at folk vil klikke på det. Brått i meisterskap fann nokon ut at Sigurd Rushfeldt er vår onkel. Då kom saka: «Fotballprofilane Rushfeldt og Deila». Men eg skjønnar det jo.
No har vi starta å skape vårt eige namn, men det har vore veldig mykje, erkjenner ho.
Sjølv om ein kjent pappa tidvis har ført til auka merksemd, har aldri Live kjend på eit press på grunn av etternamnet sitt.
23-åringen meiner Deilanamnet berre har tilført positive ting med seg.
– Det hjelp kanskje for å få auga opp for oss. Folk forventar sjølvsagt vi skal vere til eit visst nivå, men eg føler ikkje eit press. Pappa har hatt mest suksess som trenar, så det er kanskje meir den biten: «Hjelp han dykk? Han er vel kjempeviktig?» Ja, han er viktig, men mamma er òg kjempeviktig og har tatt oppdragelsen mest. Han har vore veldig mykje vekke frå vi var 14 år då han flytta til Skottland, seier ho.
Tvillingfordel
Ein viktig faktor for at både Live og Thale har tatt store steg på handballbana, er fordi dei har hatt kvarandre, meiner Live.
– Eg trur vi pressar kvarandre opp. Vi snakkar omtrent kvar dag, både om handball, men òg om alt mogleg anna. Er ho frustrert over noko, kan eg gje ho mitt perspektiv. Kanskje ho er blind på sine eigne ting. Pappa er òg ein vi snakkar mykje med, men han skjønnar kanskje ikkje alt heilt. Han tenkjer veldig fotball i hovudet. For handballdelen er det fint å ha Thale, så ho kan forstå kva eg meiner.
Opnar for å bli i Sola
Kontrakten med Sola går ut etter sesongen, men Deila ser ikkje vekk frå at ho blir verande i den gule drakta også etter sesongens siste kamp.
– Eg har vore veldig tydeleg på at eg trivast her. Med mindre det ikkje følast rett å dra, vil eg bli. Men du veit aldri, vi gjer det bra i Europa. Eg har ikkje bestemt meg for noko. Eg har sagt til Steffen (Stegavik) at eg er veldig open for å bli, fortel ho.
Trenar Steffen Stegavik er veldig klar på at han ønskjer å ha med bakspelaren vidare.
– I år er ho ein av dei viktigaste spelarane våre. Ho er blodseriøs på kvar trening. Ho er ein av dei spelarane som har same innsats uansett om det er kamp eller trening. Det baerer ho frukter av, seier Sola-trenaren.
Stegavik er ikkje i tvil om at Deila er ein komande landslagsspelar, og meiner det er lave odds for at det blir eit nytt tvillingpar på landslaget dersom utviklinga held fram.
Sjølv drøymer 23-åringen om ei karriere på landslaget. Ekstra stas hadde det vore å stå der saman med tvillingsøster Thale som var med å ta EM-gull i november. Så har Live lyst å oppleve meir enn den norske ligaen.
– Det hadde vore veldig spanande å prøve andre ligaer. Både den danske og franske har eg lyst å spele i. Så er draumen eit meisterligagull. Men først må eg få spele i meisterligaen, seier ho med eit glimt i auget.