Norsea er eit av over 30 selskap i tøff konkurranse
TANANGER: Knallhard konkurranse ventar dei mange selskapa som vil bygga ut havvind utanfor Utsira og sør i Nordsjøen. For «oljebasen» i Tananger står mykje på spel.
– Utbyggingane kan gje mange år med godt arbeid, og seinare kjem arbeid knytt til drift og vedlikehald, seier Tore Jacobsen, salsog marknadsansvarleg i Norsea Logistics.
Alt frå internasjonale energikjemper til nye spesialselskap varslar at dei vil konkurrera om å få vera norske havvind-pionerar. Sjå oversikta og kartet.
Blant dei er Stavanger-baserte Norsea som har 60 års historie midt i smørauget av norsk offshoreindustri.
Basane til Norsea, i Tananger og Dusavik, er mest kjent som oljebasar. Men no håper Jacobsen at basane også vil bli flittig brukt når havvind for alvor skal bli ei naering i Norge. Dei fyrste store utbyggingane har aldri vore naerare enn dei er no.
Ein kort historikk og eit framoverblikk:
12. juni 2020: Dåverande oljeog energiminister Tina Bru
(H) opnar områda Utsira Nord og Sørlige Nordsjø II for havvind.
Innan utgangen av mars,
2023: Regjeringa skal lysa ut områda, slik at selskap kan søka på dei.
Innan året er omme, kan det henda at me veit kven som får bygga.
Kanskje vil me innan 2030 kunna bruka straum produsert på dei fyrste store, norske havvind-anlegga.
– Stor som ein fotballbane
– Havvind vil kunna gje oss fleire arbeidsplassar, seier Eline Lyngstad, oppdragskoordinator på Norsea-basen i Tananger.
Dersom havvind-delar skal gå via basen deira, må ho finna ut korleis dagens bruk kan kombinerast med nye oppgåver.
Havvind-oppdrag vil innebera at dei får gjera meir av det dei allereie gjer, nemleg handtera og klargjera tungt materiell.
– Voluma blir større. Eit understell til ein av dei største flytande vindturbinane er på størrelse med ein fotballbane, og tårnet kan vera 100 meter høgt, seier Jacobsen.
Logistikk-selskapet til Norsea er ikkje direkte involvert i konkurransen om sjølve utbyggingane. Men ei anna grein i Norsea-grup
Held fram side 10