Nei, Senterpartiet er ikkje mitt parti lenger
POLITIKK: Nei, nå er begeret fullt for meg og. Kravet om medlemspengar får kvila nå.
Eg kan ikkje lenger røysta på Noregs mest tilbakeskodane og konservative parti når det gjeld kommune- og fylkesstruktur. Bak oss ligg ein valkamp der populismen fekk frie tøylar med store lovnadar i beste Frp-stil om raske løysingar på prosjekt i både aust og vest.
Lova gull og grøne skogar
Akk, eg skjønar ikkje at sindige Marit Arnstad ikkje makta å hala desse høgtflygane partitoppane ned på jorda igjen. Ja, me hadde og ein lokal fugl som sveva fjaerlett over jaerlandskapet og lova gull og grøne skogar om dei berre vann valet.
Superdemokratiet. Ja dette kallar eg det når ei skiftande folkemeining skal vera det einaste og avgjerande kriteriet for viktige avgjerder for land og folk. Ja, då kan det både gå tregt med m.a. tallause utgreiingar og ofte sterke negative verknadar i ettertid. La oss gå attende i historia til 1965 og sjå kva konsekvensar dette vil kunna hatt i ettertid, om ei folkerøysting då skulle vore like avgjerande som nå.
Schei-kommisjonen teikna i 1965 eit nytt kommunekart for kommunestrukturen i Norge. Kartet var i mange høve svaert radikalt. Då talde i høg grad andre kriteriar som t.d. arrondering og funksjonalitet kanskje ennå meir enn folkemeininga.
Lokale tilhøve. Før 1965 hadde me i fylket tre såkalla «smultring-kommunar»:
1.) Eigersund kommune omkransa Egersund by.
2.) Høyland kommune omkransa Sandnes by
3.) Hetland kommune omkransa Stavanger by.
Tenk dykk Sp-toppar at folkemeininga då var like avgjerande for kommunestrukturen som i dag. Det er ikkje utenkeleg at ei folkerøysting då i landkommunane Eigersund, Høyland og Hetland, i ein eller fleire av desse ikkje ville ha endring. Tenk dykk om ein eller fleire av desse tvillingkommunane, som resultat av folkerøystinga, framleis eksiterte i dag? Kva vonlaus kommunal funksjonalitet ville dette innebere ?
Søgne/Kristiansand
Er ikkje Søgne langt på veg også ein slik smultringkommune som omkransar Kristiansand by? Skjønar ikkje Sp-toppane at den kinninga dei driv på, også med lovendring, høyrer fortida til? Lillebror kan ikkje fornekta storebror. Han må berre vona på ein forståelsesfull og raus storebror. Eg greier ikkje meir av denne «tilbake til fortida» «ttf»-politikken frå Sp si side.
Når det gjeld fylkesstrukturen er det same elendet:
1.) Det minst folkerike fylket Finnmark med stor fråflytting og sterk forgubbing, skal framleis vera åleine. Kva framtid er det i det?
2.) Hedemark og Oppland som ligg som eit ektepar ved sida av seg i ektesenga med den lange felles grensa, ville også Sp skilja. Heldigvis lukkast dei ikkje. At Viken ikkje er eit lukkeleg ekteskap er eg samd i.
Sviktande oppslutnad
Denne mislukka «ttf»-politikken til Sp, som dei vektla så sterkt før valet, har nå ramma partiet som ein boomerang med sviktande oppslutnad ikkje berre for dei, men også Ap. Folk aksepterer ikkje det meiningslause i å ausa ut hundretals millionar kroner i «denne tilbake til fortida» politikken til Sp.
Konklusjon. Før Sp legg «ttf»-politikken sin død og rettar blikket framover og ikkje bakover som nå, vil eg kunna finna attende til Sp. Eg vil ha eit framtidsretta parti.
Eg vil ha eit framtidsretta parti.