For oss som set pris på å ha både Notodden, Bø og Ulefoss som senter er me bekymra for toget som nå går.

Det er dessverre lite å høre frå politikarane i Sauherad vedrørande kommunestruktursaka. For ein del er det sikkert greitt å sitte i ro og la toget gå, med stoppestad Bø eller Ulefoss.

Medan me i øvre Sauherad blir meir og meir urolege etter som forhandlarane møtast og lite eller ingen informasjon frå møta blir gjort kjent. Det som har kommi fram av informasjon frå siste møte, og som ein finn i Kanalen, er dette: Sauherads oppsummering:

mener en felles identitet må bygge på lokal identitet

bedre muligheter for felles strategi for samfunns- og boligbygging

Sauherad mener en sammenslåing gir pluss på alle punkter. (Kanalen 04.12.15) Kor er øvre Sauherad i desse formuleringane? Vil ein ikkje sjå at for oss er samfunns- og bu- stadbygging uløyseleg knytt til Notodden og vidare austover? Har ikkje Sauherad nå ein unik sjanse til å bruke dette og arbeide for ein større samanslutning i Aust- og Midt-Telemark? Eller er det så lettvint som somme politikarar har sagt, bare la Hjuksebø gå til Notodden, så får me viljen vår? Er det så lettvint, og så viktig, at bygda må delast for å sleppe å samarbeide med Notodden? Det er eit sterkt ønskje at ordførar og varaordførar i Sauherad visar seg i debatten. Det skal skapast felles identitet bygd på lokal identitet, og dette skal vel gjelde heile Sauherad? Korleis få dette til? For oss som set pris på å ha både Notodden, Bø og Ulefoss som senter og servisetilbod er me bekymra for toget som nå går, og at ein del av oss blir ståande att på stasjonen. Hører me frå dekkan?