Fekk stjerne i boka
Økonomien i Bø er på rett veg. Måndag kveld fekk administrasjonen massiv ros av dei folkevalte.
MASSIV ROS:
BØ – Eit godt utarbeidd budsjett. Eg vil gje ros til administrasjonen for retningen på budsjettetog satsinga som skjer no er i tråd med det som vart sagt i valkam- pen, understreka fungerande ordførar Borgar Torbjørn Kaasa (Sp). Han svinga klubba sidan Olav Kasland hadde forfall.
– Det er eit skøyrt budsjett som set krav til leiarskapen. Sjukefråveret er ei utfordring, la Kaasa til.
Endeleg rett veg
Fungerande varaordførar Bergit Askildt Myrjord (V) konstaterte at budsjett/økonomiplan viser at økonomien endeleg er på rett veg, og at kommunen no kan byggje opp fond for å møte uforutsette hendingar i framtida.
Ho sa seg fornøgd med retningen i budsjettet, og at det blir satsa på førebyggjande tiltak. Myrjord nemnde her vidareføring av 1,5 millionar kroner til skule og styrking av 1.- 4. klasse.
Myrjord er veteranen i Bø kommunestyre, ho har prega Bøpolitikken sidan 1980-åra. Ho la ikkje skjul på at det er krevjande sider ved budsjettet. Fleire eldre enn forventa og fleire skuleelevar i vekstkommunen Bø. Konklusjonen hennar er at budsjett og økonomiplan er eit godt verktøy for å få sunn økonomi, men at administrasjonen ikkje må slappe av når det gjeld god leiing og økonomistyring.
Ikkje mest sexy
Kristin Digranes Bøen (KrF) var ein av fleire som delte ut ros til administrasjonen.
– Eg har tru på dette budsjetten, sa KrF-politikaren.
Asbjørn Botnen (H) sa at det er blitt ein ny giv over økonomistyringa i Bø.
– Budsjettet er ikkje av det mest sexy slaget, men det er godt, påpeika representanten for det blå partiet som er ein del av posisjonen i Bø. Glenn Isaksen tok opp att Apframlegget frå formannskapet om å stoppe auke i SFO -satsane, men det fekk berre ni av dei 25 røystene. Fleire Ap-representantar peika på at satsane er svært høge, men Geir Sønstebø (V) viste til at samla blir avgiftstrykket for folk i Bø redusert.
Per Atle Einan (SV) viste til at ved å budsjettere med lågare sjukefråver, brukar kommunen fire millionar som den ikkje har. Han meiner det er litt bingo.
Halvor Ulvenes