Heidra stort talent
Friidrettstalentet Mariann Roe fekk ungdomprisen til Bø kommune for 2015.
BØ Utdelinga skjedde rett før kommunestyremøtet i går kveld.
Det var fungerande ordførar Borgar Torbjørn Kaasa (Sp) som stod for overrekkinga av diplom, blomar og ein sjekk på 5.000 kroner til den glade vinnaren.
Veldig motiverande
18 år gamle Mariann Roe starta med friidrett vinteren 2014. I fjor sleit ho med skader, men i år har talentetet virkeleg vist seg fram med tre andreplassar i juniorNM - på 3.000 meter, motbakkeløp og terrengløp. I nordisk meisterskap blei ho nummer 9, nest best av dei norske deltakarane.
– Prisen er veldig motiverande for vidare trening, og det er fint at friidrettsmiljøet i Bø blir lagt merke til, seier den glade vinnaren i ein prat med Varden.
Starta med nhandball
Ho starta med handball, men løp også i tillegg. Mariann debuterte i Vinterkarusellen 2014 i Bø med siger. Det vart lagt merke til og etterpå har ho satsa for fullt.
Trenar kvar dag
Bø-jenta trenar kvar einaste dag, og seier at det går mykje i intervall- og styrkjetrening. To gonger i veka trenar ho saman med friidrettsgruppa i idrettslaget
OVERREKKINGA:
Skarphedin. Mariann har slike personlege rekordar: 17.40 på 5.000 meter, 10.15 på 3.000 m, 4.48 på 1.500 m og 2.21 på 800 m.
– Eg satsar for fullt neste år. Målet er å halde seg i toppen og setje personleg rekord på alle distansane, seier ho.
Etter at 18-åringen er ferdig med vidaregåande skule til våren, blir idrettslina på Høgskolen i Telemark, avdeling Bø, neste stoppestad.
– Øyvind Støren er trenaren min, og eg ønskjer å utvikle meg vidare med han. Løping er kjempegøy. Eg er kjempesliten når eg kjem i mål, men da smakar sige- renen enda betre, seier den blide Bø-jenta.
Halvor Ulvenes