Straumen ko
Bygda hadde Europas største basseng med 600 millionar kubikkmeter vatn, men Møsstrond fekk fyrst elektrisk straum 50 år etter kraftutbygginga.
UNDER BYGGINGA:
VINJE «Er det inga grense for kva ei fjellbygd må finne seg i», heiter det i eit omfattande vedtak frå Rauland heradstyre 7. juli 1945.
Vedtaket er referert i den nye jubileumsboka om Rauland Kraftforsyningslag. Den er kjelda til opplysningane i denne artikkelen.
Protesterte
Raulendingane var også på krigsstigen mot utbyggarane naermare 40 år tidlegare. Med Sivert Vaagen som ordførar vedtok heradsstyret å protestere mot at Hydro høgda Møsvatn-dammen utan ny konsesjon.
16. november 1907 gjorde politikarane eit omfattande vedtak. Her heiter det mellom anna:
«Heradstyret må beda riksstyret hindra den nye uppdemmingi som Kvaelstofkomp. hev sette i gang utan konsesjon. Og me må på det sterkaste telja ifrå, at det vert gjeve konsesjon».
Protesten blei omtalt på fyrstesida i Dagbladet ti dagar seinare. Stortinget gav likevel A/S Rjukanfoss løyve til å halde fram med arbeidet.
Kraftline i 1945
Utbygginga av straumnettet heldt fram. Rauland fekk straum i 1940, og etter freden i 1945 auka kravet om straum til bebuarane på Møsstrond.
I juni dette året kom gladmeldinga om at kraftlina på 13 kilometer over fjellet er ferdig, med ein kostnad på 203.000 kroner.