«Ei paere i kvart rom»
FORTEL:
Etter straumutbygginga på Møsstrond var det lite sløseri med elektrisiteten. Tidleg på 50-talet var det stort sett ei paere i kvart rom.
VINJE Det fortel Jon Hove i jubileumsboka om Rauland Kraftforsyningslag. Intervjuet vart gjort i heimen hans i august 2014.
Han var da 92 år, like klår og med eit uvanleg godt minne, ifølgje forfattar Kjell Bitustøyl.
Ville ha komfyr
I tillegg til ei paere i kvart rom ville også folk ha komfyr. Sjølv hadde Hove komfyren på plass da elektrifiseringa var ein realitet.
– I 1950 fekk me om lag 20.000 kroner i erstatningar. Bror min Hermann fekk eine halvparten og eg den andre. Eg kjøpte tømmer på rot til nytt uthus og komfyr for dei 10.000 kronene, heiter det i intervjuet.
Stor augneblink
Hove legg ikkje skjul på at det var stort å få elektrisitet. Han seier at han bar nevøen sin Torgny på eit par år, og den vesle pjokken slo på dei fyrste brytarane.
– Det var ein veldig stor augneblink, saerleg for mor. Ho hadde streva på i desse små kalde husa, heiter det i intervjuet frå 2014.
Hove fortel at dei ikkje nytta straum til oppvarming i huset. Det var mogleg, men dei hadde ved og var friske.
Litt lunefull
Hove fortel elles at komfyr og kjøleskåp blei frakta i ein båt dei kjøpte i 1938 – ei snekke på 18 fot som blei laga mot Rosendal.
Vedkomfyren og bakaromnen stod side om side etter at elektrisiteten kom, for straumforsyninga var litt lunefull på den tida. Den gamle vedkomfyren var derimot sikker, framgår det av intervjuet.
Der heiter det at straum til oppvarming fyrst blei nytta da dei fekk varmepumpe i nyare tid.
Viktigast
Hove fortel vidare i intervjuet at straumen nok var viktigare enn telefonen.
– Det var telefon i mange år berre til Hovden, seinare til Førnes. Eg trur telefonen kom i slutten av 30-åra til Hovden.
Hove fekk radio av Hydro-direktør Bjarne Nilsen i 1939.
– Men så måtte me levere han, veit du. Det var ein Philips batteriradio med akkumulator. Me fekk nok temmeleg fort elektrisk radio da straumen kom, men det blei og betre batteri.
Halvor Ulvenes