Splitta før røystinga
Bø Ap er splitta i saka om kommunesamanslåing. – Saka har både positive og negative sider, seier partiet.
OPP OG NED:
BØ Styret er delt i den kontroversielle saka. Lokallagsleiar Arvid Hagen er sterk motstandar av kommunesamanslåing medan gruppeleiar i kommunestyret, Glenn Isaksen, er positiv. Styre- medlem Karin Hagen er ueinig med pappa Arvid og vender tommelen opp for ny storkommune. Sekretær Jon Halvor Svalbjørg ikkje har bestemt seg.
Eksordførarar imot
Arvid Hagen seier at samanslåing vil gje eit dårlegare tilbod for innbyggjarane i Bø, og viser til at Nav-kontoret forsvinn ut av bygda. Glenn Isaksen meiner at ein må tenkje langsiktig og sjå fleire tiår fram. Karin Hagen har inntrykk av at det er dei eldre som er mest mot samanslåing.
– Eg vil røyste ja, men ser at samarbeidet kan bli ei utfordring. I dag har me eit godt sam- arbeid i Bø, seier den unge Appolitikaren som ser klare fordelar ved større fagmiljø.
Etter det Varden kjenner til, går dei tidlegare ordførarane i partiet mot samanslåing. Ap hadde medlemsmøte med 17 personar til stades onsdag kveld, og kom på den bakgrunn med ein uttale før folkerøystinga som blir halde sundag 10. april.
– Det positive ved samanslåing er større fagmiljø innanfor helse, PU, omsorg og kvalifisering samt teknisk sektor. Her er det mykje å hente. På den negative sida kan samarbeid bli vanskeleg dersom det blir splid, meiner partiet. Bø Ap har merka seg sterke utspel frå nabokommunen, som gjer at det er grunn til å stille spørsmål ved om det blir eit godt og konstruktivt samarbeidsklima i ein ny kommune i midtfylket. Ifølgje partiet fungerer det interkommunale samarbeidet i dag bra, og det kan utviklast vidare.
Større innflytelse
Bø Ap viser til at Midt-Telemark blir ein relativt stor kommune i fylket med 15.000 - 16.000 innbyggjarar.
– Det vil gje større innflytelse på politikken i Telemark, sjølv om den nye kommunen blir liten samanlikna med Grenland. Bø Ap meiner framlegget til nytt inntektssystem er dårleg nytt for ein ny kommune.
– Det er uansett til ei kvar tid sitjande Storting som avgjer dei statlege overføringane, så det er svært vanskeleg å leggje inn dette som noko positivt eller negativt element i saka. Ekstra inntekter frå eigedomsskatt og kraftutbygging både i Herrefoss og Oterholtfossen må ved ei eventuell samanslåing fordelast over heile kommunen, skriv Bø Ap i uttalen.
Halvor Ulvenes